Yaaꞌoo 22:20 - Kafa Linguistics Project

²⁰ Ebi mooyinaꞌon gettiibeeto “Eeha, kaateree woyemmo taane” ii beetone. Ameena; Doono Yesuuso, wobe!

Yaaꞌoo 22:20 ပူးပေါင်းရင်းမြစ်များ

Solomooni 8:14

Ta shiiqqo, kaate wobe; qimaamee guudinaꞌoochaa doolloon woyee boyijjee bushoon, shaahibe.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Yowannisi 21:25

Yesuusi shuuneti wodde bare mooyo wotta beetone; bulli ikka gutta getaa bi kooreeto gaata, kooreeti macaafeenaꞌoyich alemo bedaachemmo taach shaahii beete.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Hibireena'o 10:37

Yaafe Macaafooch bi kooreetoommon, “Katinoon tunemmone; woya ii beeto woyemmone; yagaachemmone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 1:2

Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 2:16

Illa axaaxee gommoochee Yeer waan wottebe! Ebi tuno qayigaata, kaateree neech woyemmo taane; waaree ta kookkoochee kechiibeeti goraadoona boonoshin kochemmo taane.

Yaaꞌoo 22:10

Taach daakkiꞌi ishichiye: “Yemeeno katinnitone; ebich hini macaafeexi keemee qaaroon maatemoona hiccaahine.

Yaaꞌoo 22:12

Yesuusiyoo ishichiye: “Ebiyoche, kaateree woyemmo taane; ta woyemmo, asho bi ikkikkoyich ta qoccemmi bi shuuni shuunee gatiyoon yeshireeshiye.

Yaaꞌoo 22:18

Hini macaafooch kooreeti keemee qaaroon waayeebeeto bullich xiishii gettoye; koniyoona hini toommooch amee mooyinona bi daakkigaata, Yeeri hini macaafee daggooch kooreeti naxeenaꞌon bi toommooch kindiyemmone.

Yaaꞌoo 22:7

Yesuusi “Ebiyoche, kaateree woyemmo taane; hini macaafooch kooreeti keemee qaaroon quyee beetinaꞌo diireetinaꞌone” iye.