Yaaꞌoo 22:17 - Kafa Linguistics Project

¹⁷ Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Yaaꞌoo 22:17 ပူးပေါင်းရင်းမြစ်များ

Shoddo 34:8

Doono Yeeri deꞌo bi tunoon ciiniree ariibote; bi shoobooch giyiti asho diireetone.

Isiyaasi 12:3

Wodee xuuphoochee aacon emiroona kittemmo ittoshine.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 2:5

Yaaqobichi yareenaꞌote, ittoshi waataa, Doono Yeerichi bekkoona shaꞌebone.

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

Hiziqeeli 47:1

Are uro, yaafee kechi kello waan taan wochii deebiye; aacoo yaafee kechi kelloochee aabi-keyo waan woccii beehe; ebiyoo yaafee kexo aabi-keyo waan wotteto bi tunetoyichiye; ebi aacoo deshi-waan beeti yaafee kechi kellee shagee dechiichee kechiꞌi, deejjee gudoyee deshi-waanina woccii beehe.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Yowannisi 1:37

Gutte bi dabbeenaꞌo Yowannisi ishichoon waayeꞌi Yesuusin dabbii hammiyeete.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:11

Ure “Ta doonocho, ne kittemmi qiico neech aalloone; aachi oppoo genjoone. Illa kashee aacon amoochee deebenne?

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 4:29

“Ta tuniito bullin taach gettiti uroon waaree beegote! Aroo Kiristoosi tunehe?” iyan.

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Roomi 3:24

Yeeriyoo axaaxoochee biisheebeeti Kiristoos Yesuusina, baad cikki bi wojjoona boonoshin cadiqiyemmone.

1 Qorontoosi 2:12

Tunebaani nooch icheti wojjoo bullin no ariyemmoyich, Yeer waanee wocheeti Ayaanoani, hini alemeexi ayaano toonoone nooch icheto.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 21:9

Aree hillooch ciireexi shabaatte naxo ceenniti shabaatte xoofeenaꞌon yechiti shabaatte maraakeenaꞌoochee ikkoo waaꞌi taan “Hach ta waan wobe! Bagoochi mechee tunemmi woꞌeen neech bekkiibona” iꞌi gettiye.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.