Yaaꞌoo 22:15 - Kafa Linguistics Project

¹⁵ Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 22:15 ပူးပေါင်းရင်းမြစ်များ

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

Shaahiyoo 12:22

Doono Yeeri kooteenaꞌon ciigehe; tunebaani ibere asheenaꞌona emiriye.

Shaahiyoo 7:27

Bi kexo maash daammiibeeti boochoone; qite asheenaꞌo beeti gatooch kindii beetone.

Isiyaasi 47:12

“Ne bushittinoochee tiijjaꞌa shuunaabee ne echeti, iicoonaa meeti qaaxoonon shuunoona kupphebe; diqqich neech kaamoon qayaachemmone; diqqich ne etteenaꞌon shatiyoo qayaachemmi neene.

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Isiyaasi 57:3

“Hini qaaxechichi bushiisheenaꞌote, hini shunimaayoonaa yahechinochi yareenaꞌote, hach giddebote.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 7:6

“Shiixxi wotteree ittoshin boonoshi shacaachemmoyich, yaafeeton kunaaneenaꞌoyich immaahote. Wotta gudininaꞌo boonoshi baatoona boonoshi neexaachemmoyich, ittoshi inqoon boonoshi aafooch duppaahote” iye.

Maatiyoosi 8:12

Tunetaa ‘Shimaajji taatittine noochine’ ii beetinaꞌo maach manderooch kichaa duppeyemminaꞌone; aroochaa eefonaa gashee qaayona boonoshich tunemmone” iye.

Yowannisi 8:46

Ittoshi daggoochee taan ‘Axaaxoon shuuneto neene’ gettemmo aabine? Iberoon gettaabeeto ta tunegaata, ittoshiyochi amoyich taan iberiyaachote?

Mishiraachechinaꞌo 8:11

Meeti yemeenoon bi kaayaa beeggitinaꞌo worganeebee, bi getoon waayee beeheete.

Yibbaatoo 23:18

Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

Qolaasiyaasi 3:6

Eboshi naboochee tiyitona Yeerichi kaaree shiixxoo biich deꞌa getaaneenaꞌo toommooch kindemmone.

Yaaꞌoo 18:23

Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.