Yaaꞌoo 22:11 - Kafa Linguistics Project

¹¹ Hukkecho hukkoon andoo shuune beebe; tiyaariibeeti shuunoon shuuneebeeto andoo shuune beebe; cadiqe asho andoo cadiqee shuunoon shuune beebe; yaafoo andoo bi yaafittinoona beebe” iye.

Yaaꞌoo 22:11 ပူးပေါင်းရင်းမြစ်များ

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Dojjecho 11:3

Qubo aaqqii manderegaata, amiyo dihiye; mixo deshi-waan, woyee dambi-waan bi dihigaata, are bi dihitooch beehe.

Hiziqeeli 3:27

Tunebaani neenna ta yibbaatehooba ne heciyoon biichemmo taane; newoo boonoshich: ‘Nuggishoo Doono Yeeri ishichiye’ gettemmo neene. Hukkechi macceenaꞌo boonoshi tunetoyich waayemmo waayebe; waayoon qajjimmo qaye” iye.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Maatiyoosi 21:19

Gommi gashooch ikke balaasee mixin beeggiꞌi bi waan hammiye; tunebaani waamoyee damba aafoon cir daneyaanoone. Ebich balaasee mixin “Guttinnoon aafoon aafaaye” iꞌi uppiye. Are balaaseyoo bekkech shoolliyan.

Maatiyoosi 25:10

“Kemeya boonoshi hammiichaa, woꞌee keno waahe. Qanniꞌi beeti uucheenaꞌo biinna tookkii gaaree kexooch giyiyeete; kello bekkech tuggeehe.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Yowannisi 8:21

Yesuusi wochinnoon boonoshich “Ta hammemmo taane. Taanoo qaawemmo ittoshine; tunetaa ittoshi axaaxoona qitemmo ittoshine; ta hammaa beetooch hamon hakkaachemmo ittoshine” iye.

Efesooni 5:27

Bi yaafitoo, kiinechi woyee qillifa gonde woyee ebin shaahe gonde mooyo bi waan daneyaani, yaafoonaa bachaalloona tuneti oogee yiirechi kittinnee guuphon tuniiꞌi bi waan giddiyoyichiye.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 16:21

Ikke baderoo baach aabbaa uuche kiilo giraamo tuneti ogooge baderoo asheenaꞌo toommooch shimaayoochee kindiye; ebi shaahe shattiiti ooge baderee naxoon boonoshi toommooch bi kindiitoyich, asheenaꞌo Yeerin naaggiyeete.

Yaaꞌoo 22:3

Ebiyee bekk hini are katemeech ufo beetaachemmone; Yeerinaa Bagoonochi taatee qeeno are katemee daggooch tunemmone; bi guuninaꞌo aroochaa biich goyinnemminaꞌone.