Yaaꞌoo 21:8 - Kafa Linguistics Project

⁸ Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 21:8 ပူးပေါင်းရင်းမြစ်များ

Shaahiyoo 19:5

Koote miixecho sheereyoo qayaachemmone; koote yibbaatechoo sheeroochee muricaachemmone.

Shaahiyoo 19:9

Kootoon miixeebeeto, sheereyoo echeyaachemmone; kootoon yibbaateebeeto aallemmone.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 57:11

“Taan shalligoon, ta mooyonoo gaboon qajjiꞌi ittoshi koottito konin shattii keqqiꞌiniye? Taach shato ittoshi qajjito wodde yemeenoon cikkaa ta qajjetoyich toone?

Isiyaasi 9:15

Qelleenaꞌo geeneenaꞌonaa moogeeti asheenaꞌona tunemmona ceereenaꞌo kootoon dojjiibeeti keemechinaꞌone.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 25:25

Ebich shattaꞌa ne waanee ta deqqeti makilitoon daammaa iijjaꞌa showooch duukkehoye. Ebiyoche, ne makilitoon neech wochiya deebeto taane’ iye.

Maatiyoosi 8:26

Biyoo “Hini, ta toommooch mulloon tooꞌiyaaneenaꞌote, amoyich shattii beetote?” iye. Ebiyee gubb, tiyiꞌi yongoonaa baharee aachi aayonon noggehe; bekkech shashewimiye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Yibbaatoo 20:8

Iraasheenaꞌo daakki asheenaꞌoyich ishichibeete: ‘Shattii, bi mullo keqqiibeeti asho beete? Bi beegaata, bi kexooch wottebe. Ebi tuno qayigaata, biichoommon bi maneenaꞌo mullo keqqemmone’ geteete.

2 Tasaloonqi 2:9

Ebi hukkechi uro bi woyemmo, Sheexaanoochi shuunoommon baribare giidoona koote worganikkiti malletoonaa gaakkechi shuunoonon shuunoonane.

1 Ximootiyoosi 4:2

Ebiyoommi doyoo bi waa beeto, gaamiti xuuroona micciti ashittino dingiraatoommon, boonoshi mullo dingiraateti, maacaa xalloo shaahiibeeti kooteenaꞌo waaneeniye.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Hibireena'o 12:24

andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.

1 Yowannisi 2:22

“Aroo Kiristoosi toonoone” iꞌi Yesuusin nookkee beetoyee damba koottiibeeto, konine? Nihoo Yeerinaa Yeerichi Bushoonon nookkeebeeto aroo Kiristoosina koyechone.

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.

1 Yowannisi 5:10

mulloon Yeeri Bushoo toommooch tooꞌii beetoyich Yeerichi miixo bi mullooch beetone; Yeerichon iberiyaano Yeeri bi Bushoochon miixeton bi iberiyoo qajjitoyich, Yeerin kootiitone.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 2:2

Ne shuunoonaa ne aayonon, ne haaꞌiyoonoo ariibeeto taane; gondeenaꞌon haaꞌiyaache ne getonaa ebiyoommon wotta mishiraachechinaꞌo tuneyaanoon ‘Mishiraachecho noone’ ii beetinaꞌon boshaa kichaꞌa koote dojjechinaꞌo boonoshi tunoon ne danoonon ariibeeto taane.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 9:17

Ebiyoommon yaaꞌoona ta beeggeti haresheenaꞌonaa boonoshin yebbetinaꞌona getee ginee tahoommi tahechinaꞌone; are tahoochi shaahoo qaaqqoommi ceello, yaakintoommi shimaayito, waageroommi keelleshoone; haresheenaꞌochi qello daaheree qelloommone; boonoshi kookkoocheenoo qaaqqoo, cufoonaa waageroona kechiye.

Yaaꞌoo 9:21

wotta ashoon wuxoon woyee iicoon (qaaxoon) woyee shunee mamon woyee gaayon qajjiꞌi axaaxee gommoochee Yeer waan wotteyaaneenaꞌone.

Woraaferasheenaꞌo 7:3

And illa ‘Shattii keqqito bi beegaata, Gilaadi geppoochee bi kexooch wottebe’ getiree asheenaꞌoyich awaajjibe” iye. Ebich asheenaꞌo daggoochee hiyaa gutte humeenaꞌo wotteechaa, aashire humeenaꞌo baach echeheete.