Yaaꞌoo 21:7 - Kafa Linguistics Project

⁷ Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.

Yaaꞌoo 21:7 ပူးပေါင်းရင်းမြစ်များ

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

2 Saameeli 7:14

Tawoo biich nihoo tunemmo taane; biyoo taach bushoon tunemmone. Gonde mooyon bi shuunehooba, nihoo bi bushoon sheeroommon, gumboona biin sheeremmo taane.

Shoddo 89:26

Biyoo ‘Ne ta Nihoo, ta Nuggishoo neene; taan wodiyechi ta deebe xaqqo neene’ geti ceeggemmone.

Shaahiyoo 3:35

Mullechinaꞌo oogoon danemminaꞌone; tunebaani mullaalleenaꞌo cooneyemminaꞌone.

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 25:21

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maariqoosi 10:17

Yesuusi aroochee tiyiꞌi bi hammii beetaa, ikke uro bi waan woccii waaꞌi bi baatooch goyinneechii, “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Roomi 8:14

Yeerichi Ayaano boonoshin yaabii beetinaꞌo bulli eboshi Yeerichi bushiisheenaꞌone.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.