Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaaꞌoo 21:4 - Kafa Linguistics Project

4 Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

အခန်းကိုကြည့်ပါ။ ကော်ပီ




Yaaꞌoo 21:4
26 ပူးပေါင်းရင်းမြစ်များ  

Asho hiinnoommone; bi yemeeno besheebeeti yiirittoommone.


Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.


Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.


Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.


Doono Yeeri biishetinaꞌo wottemminaꞌone; shoddebee Tsiyoon woyemminaꞌone; bulli aabee emiroon gubbichoo ukoommon ukemminaꞌone; emiroonaa wucwucona boonoshich tunemmone; ayinoonaa eefona boonoshiyee wokkemmone.


Ne aabe giyaachemmine; ne agene tahaachemmine; Doono Yeeri bulli yemeenoon ne ceechoo tunemmo bi tunetoyich, ne eeppi yemeeno ciiremmone.


Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.


Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.


Aroochee gidiideenaꞌo emiroona duuttemminaꞌone; gurimaasheenaꞌo, geeneenaꞌoo boonoshichoommon emiremminaꞌone; boonoshi eefon emirooch wochemmo taane; boonoshin goggiyemmo taane; boonoshi ayinoon emiroona shaddemmo taane.


Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.


Showoonaa shimaayoona beshemmone; tunebaani ta qaaro besheyaachemmone” iye.


Arooba yiikketaa aallemmi ciireexi shixecho qitoone.


Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.


Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.


Tunetaa wochinnoon ikke wottoon bi geto, shuuraachemmi mooyinaꞌo manjiree beeyemminaꞌo boonoshi tunoon, halleeti mooyinaꞌo shuuriree hidaa aallemminaꞌo boonoshi tunoon xalla bekkii beetone.


Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.


Alemoonaa asho qaatiibeeti alemeexi mooyo bullina beshee beetinaꞌone; tunebaani Yeerichi daaggoon tuniibeeto, bulli yemeenoon manjiree beeyemmone.


Baharo bi daggooch beeti qititinaꞌon aapphiye; qitoonaa Siꞌooloona boonoshi waan beeti qititinaꞌon aapphiyeete; aroochee bi ikkikkoyich bi shuuni shuunoommona bi toommooch nalleehe.


Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.


Andire showoonaa andire shimaayoonon beeggeho. Aafi showoonaa aafi shimaayoona beshetone; baharoo ebiyee bekk aalloone.


Ebiyee bekk hini are katemeech ufo beetaachemmone; Yeerinaa Bagoonochi taatee qeeno are katemee daggooch tunemmone; bi guuninaꞌo aroochaa biich goyinnemminaꞌone.


Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ