Yaaꞌoo 21:27 - Kafa Linguistics Project

²⁷ Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 21:27 ပူးပေါင်းရင်းမြစ်များ

Shoddo 101:8

Showee toommeexi axaaxechinaꞌon maaddi maaddoona aalliyemmo taane; Doono Yeerichi katemoochee gondeenaꞌo bullin aalliyemmo taane.

Keyo 32:32

Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Hiziqeeli 44:9

Ebich Nuggishoo Doono Yeeri ishichiye: Boonoshi mulloona, boonoshi achoonoo dokireyaani ashi showee asheenaꞌo, Israꞌeeleenaꞌo daggooch kotetinaꞌolla tunetaa ta yaafee kexooch giyaayeete.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Leweenaꞌo 13:46

Biiyo bi achooch beemmi yemeeno bullin ebi asho eeꞌoone. Kaamboyee maach keyiree, ashoyee bariree kotebe.

Zakaariyaasi 14:21

Yihudee showoonaa Yerusaaleminooch beeti gubeenaꞌo bulli, Beshe Mawe Doono Yeerich yaafeetinaꞌo tunemminaꞌone. Deejjoon giddiyoyich waa beetinaꞌo bulli shexxeenaꞌon daamiree deejjee maayoon kachiyemminaꞌone. Ebiyooba Beshe Mawe Doono Yeerichi yaafee kexooch giixeebeeti asho koniyoona daneyaachemmone.

Haddoo 12:15

Ebich Miiriyami kaamboyee maach kichaa shabaatte qemon kotahan. Miiriyami wottaa waammi wottoon, asheenaꞌo qaxiraaneenaꞌone.

Haddoo 5:3

Ittoshi daggooch ta koteebeeti ittoshi kaamboon boonoshi eeꞌiyaachemmoyich, ebi eeꞌeti asheenaꞌo anaamon tuneba maacheen kaamboochee maach kichibote” iye.

Maatiyoosi 13:41

Ashi Bushoo bi maraakeenaꞌon deejjemmone; asheenaꞌoyich xugo tunee beetinaꞌonaa hukkoon shuunee beetinaꞌo bullinon bi taatittinee daggoochee macemminaꞌone;

Maariqoosi 7:2

Yesuusichi dabbeenaꞌo daggoochee ikkikkeenaꞌo eeꞌe kishoona, ebi geto aacona afaalleyaani kishoona maayoon boonoshi maa beetaa beeggiyeete.

Luqaasi 10:20

Tunebaani ittoshi shigo shimaayeexi macaafooch bi kooreetoyich emiribotalli, yinneenaꞌo ittoshich boonoshi yittiꞌi hajjee beetoyich emiriyaahote” iye.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

Filipphisiyoosi 4:3

Ne wotta Yeerichi shuunoona taanna tookkaa xaaqqeeti ibere ta addaaroocho, ebi genneenaꞌon ne gaachemmoyich neen qollehoye; boonoshiyoo taanna tookkii, kashee macaafooch boonoshi shigo kooreeti Qelimixoosinaa wotta taanna tookkii shuuneti bareenaꞌona tookkii mishiraachee qaaroon gamichoyich aajjitinaꞌone.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

2 Pheexiroosi 3:13

Tunebaani bi gibenikkiti gibenoommon, cadiqittino beeyemmi andire shimaayoonaa andire showoonon quyaabeeto noone.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.

Yaaꞌoo 20:15

Bi shigoo kashee macaafooch kooreeꞌi daneyaani asho koniyoona qaaqqee baharooch duppehe.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.