Yaaꞌoo 21:21 - Kafa Linguistics Project

²¹ Katemee aaraa gutte kelleenaꞌo aaraa gutte inqeenaꞌone; ikke kello ikkikke inqoona shuuneetone. Katemee daggeexi gommo bi daggoona beshii bekkiibeeti burciqoommi xalle aachoona shuuneetone.

Yaaꞌoo 21:21 ပူးပေါင်းရင်းမြစ်များ

1 Taateenaꞌo 6:20

Ebi Yaafe Xaaꞌeexi Yaafee gidoo hiye hiroo, bi maaco hiye hiroo, bi neexo hiye hiroone; ebinoo xalle aachoona dikkehe; wotta yigee mixoochee shuuneeti deejjee gudoon aachoona dikkehe.

Yaaꞌoo 17:4

Damere tahoonaa maddoonon tahee, aachoonaa aaxxe xaqqeenaꞌona, inqeenaꞌonoo shashitine; bi kishoonoo ciigiiti mooyonaa shunee bi mami eeꞌoona ceenniti aachee xoofoon yechetine.

Yaaꞌoo 21:15

Taach gettiti maraakoo hini are katemeen, bi uxeroonaa bi kelloonon qellayiya aachee gumboon yechitone.

Yaaꞌoo 21:18

Katemeechi uxeroo uxereeto yasphiido getteebeeti aaxxe xaqqoonaniye; katemeyoo burciqoommi xalle aachoona shuuneetine.

Yaaꞌoo 4:6

Taatee qeechi aafoochoo biriloommi burciqee baharo beehe. Ebi daggooch beeti taatee qeechi guudoona, aafinaa gubbinoochaa dofee aafo boonoshich beeti kashechi awudde halleenaꞌo beeheete.