Yaaꞌoo 21:12 - Kafa Linguistics Project

¹² Bi guudoona uxereeti uxeroo oogeti genjoone; aaraa gutte kellechone; aaraa gutte kelloon quyeebeeti aaraa gutte maraakeenaꞌo neexetinaꞌone; ebi aaraa gutte kellooch aaraa gutte Israꞌeelee yoodeenaꞌochi shigo kooreetone.

Yaaꞌoo 21:12 ပူးပေါင်းရင်းမြစ်များ

2 Kiinoo 9:19

Shiritte daqqooch, bi ikkikkoona yoochinaa qanninooch ikkikke daaheree misilo neexetone. Ebiyoommi taatee qeeno amee taatee showoocholla ciroona shuunee ariyaanoone.

Iziri 9:9

No Nuggishoo Yeero, guuno no tunetaanoona, are guuchittinooch noon qayaano neene; Faariisee taateenaꞌo aafoochaa ne ariqqoon nooch bekkiito neene; ebich boonoshiyoo ne yaafee kexon no haggemmoyich, happeeton wochinnoon no shuunemmoyich, daaggitinaꞌone; ebina no kasheen andiriitinaꞌone; Yihudee showoonaa Yerusaaleminoochoo deebee uxeroon nooch immitinaꞌone.

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Shoddo 122:7

Ne xaqqee uxeree daggooch, ne mishigoochoo, diggoo tunebe” getote.

Shoddo 51:18

Ne daaggoona Tsiyoonich gaawe mooyon tuniibe; Yerusaalemi xaqqee uxeroon wochinnoon uxerebe.

Keyo 28:21

Ebi aaraa gutte xaqqo boonoshi ikkikkoo toommooch, ikke Israꞌeelee yoodee shigo tuniitaa, aaraa gutte Israꞌeelee yoodeenaꞌochi shigo maatemoochoommon qiiceeto tunebe.

Isiyaasi 54:12

Ne guumminaꞌon ageetoona, ne kelleenaꞌon garineetoona, ne uxereenaꞌo bullin aaxxe xaqqoona, shuunemmo taane.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Luqaasi 15:10

Illa ittoshich gettoye: Ebiyoommon axaaxee gommoochee Yeer waan wotteebeeti ikke axaaxechochi naboona Yeerichi maraakeenaꞌo emirii beetinaꞌone” iye.

Luqaasi 16:22

“Ebiyee gubb, are girecho qitiye; maraakeenaꞌo deenniꞌi Abrahamichi sheenooch daammii kotiiheete. Gaannecho wotta qitiꞌi duukkehe.

Mishiraachechinaꞌo 26:7

Aaraa gutte no yoodeenaꞌo xumoonaa areddoonon kuppheꞌi, Yeerich maddiibee hini gibeno ceennemmoyich quyee beetinaꞌone. Taatoo Agrippho, Ayihudeenaꞌo taan taggeebeeto, hini are gibenoyichiye.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Yaaꞌoo 21:13

Aabi-keyo waan keejje kello, dambi-waan keejje kello, deshi-waan keejje kello, aabi-gimo waanoo keejje kello beetone.

Yaaꞌoo 21:15

Taach gettiti maraakoo hini are katemeen, bi uxeroonaa bi kelloonon qellayiya aachee gumboon yechitone.

Yaaꞌoo 21:25

Aroochoo xumo aalloone; ebich katemee kelleenaꞌo ciroona hicheyaachemminaꞌone.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.