Yaaꞌoo 20:9 - Kafa Linguistics Project

⁹ Boonoshiyoo showoo bullich kechiꞌi, yaafeenaꞌo beeti xaaꞌoonaa Yeeri shunniibeeti katemeenon giichii guuddiyeete; tunebaani arooba qaaqqoo shimaayoochee kindiꞌi boonoshin maahe.

Yaaꞌoo 20:9 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

2 Taateenaꞌo 6:15

Yeer ashoochi aafee bushoo harooch tiyiꞌi maach bi kechaahaa, ebiyoche, ginee naayinaꞌo haresheenaꞌonaa gaarinaꞌona tookkii katemee guudoona giichiꞌi beeteete. Aroochee Elisayi waan wotteꞌi, “Aalleto nowoche! Ta doonocho, aabichishiye no gettemmo?” iye.

Iyoobi 38:18

Showoo am shaahe gamino gaata ariinne? Eboshi bullin ne ariyaabeeto gaata, eke gete.

Shoddo 106:18

Boonoshi dabbeenaꞌo toommooch qaaqqoon kindiihe; qaaqqee aaxxo gondeenaꞌon michiye.

Shoddo 87:2

Ebi Tsiyooni katemoon Yaaqobichi beeyi xaaꞌoo bulliyee beshoon shunnitone.

Shoddo 97:3

Qaaqqoo biyee aaf hammiye; bi guudoona beeti bi etteenaꞌon maahe.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Hiziqeeli 38:9

Newoo yubee yongoochoommon waaree kochemmo neene; neennaa ne ginee naayinaꞌo bullina, neenna tookkii beeti meeti asheenaꞌoo showoon quboochoommon guuppemmo ittoshine.

Hiziqeeli 39:6

Magooginaa baharee gasheexi showooch keqqaalloon kotetinaꞌonochi toommooch qaaqqoon kindiyemmo taane; ebina Doono Yeeri ta tunoon ariyemminaꞌone.

Mikiyaasi 2:13

Tiichiꞌi gommon kichecho boonoshi aafooch shiichiree boonoshi keccetoochee boonoshin yaabi kichemmone. Boonoshiyoo katemee kelloon tiishi besheree keyi hammemminaꞌone. Boonoshi Taatoo tuneti Doono Yeeri boonoshi aafooch shiichiree boonoshin yaabemmone.

Imbaaqoomi 1:6

Boonoshi hajjoo tuneyaani showoon koyi yecha showee toommo bulliich oriheebeeti, maacmanjeenaꞌonaa afaafinechinaꞌona tuneti Baablooneenaꞌon tiijjemmo taane.

Haddoo 11:1

Asheenaꞌo boonoshi toommooch shaggiti iritoyich, Doono Yeeri toommooch guruuxiyeete. Doono Yeeriyoo boonoshi guruuxoon waayeꞌi, oogichii kaarehe. Bi qaaqqoo boonoshi daggooch aaxxeꞌi kaamboon gocoochaa maahe.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Luqaasi 17:29

Tunebaani Looxi Sodoomee bi kechiti aabooba shimaayoochee qaaqqoonaa waageroona dihiꞌi hini are katemooch beetinaꞌo bullin aalliitone.

Luqaasi 19:43

Gonde moochechi aabo ittoshi toommooch woyemmone; ittoshi etteenaꞌo ittoshin kocha getiree ittoshi katemee guudoon iicheti showee gutoona uxereechi ittoshin kaappemminaꞌone; ittoshi guudoona guudiree bulli gommon hiccemminaꞌone.

Luqaasi 21:20

Yesuusi daakkiꞌi ishichiye: “Yerusaalemin ginee naayinaꞌo guuddii boonoshi giishaa ittoshi beegiyooba, arooba biich aallee shagon ariibote.

Luqaasi 9:54

Bi dabbeenaꞌo Yaaqobinaa Yowannisina ebin beeggiꞌi Yesuusin “Doonocho, ‘Qaaqqoo shimaayoochee kindiree boonoshin aalliibe’ getona?” iꞌi echeheete.

Yibbaatoo 23:14

Ne Nuggishoo Doono Yeeri neen wodiiya, ne etteenaꞌonoo ne kishooch beshii imma, ne kaambee daggoona shaꞌeebeeto bi tunetoyich, gonde mooyon beegiree, neen qayi wotte bi hamaachemmoyich, ne kaambo xalloo tunebe” iye.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Hibireena'o 13:13

Illa no wotta, bi cooneetoommon cooneebee, kaamboyee maach, bi waan hambone.

Yaaꞌoo 11:5

Asho koniyoona boonoshi toommooch gondoon halliya bi qaawigaata, boonoshi kookkoochee qaaqqoo kechemmone; boonoshi shixechinaꞌonoo michi aalliyemmone. Boonoshi toommooch gondoon halliya qaawiibeeto bulli, ebiyoommi gommona qitoo biich echeyaanoone.

Yaaꞌoo 13:13

Qaaqqoonolla shimaayoochee showooch asho bulli aafooch bi kindiimmi wottoon ogooge malleteenaꞌon bekkii beetone.