Yaaꞌoo 20:2 - Kafa Linguistics Project

² Wonnee dingeroon, daabiloosi, Sheexaanoo getteeti dareboon yechiye; hume nati wottoon cuchiye.

Yaaꞌoo 20:2 ပူးပေါင်းရင်းမြစ်များ

Halloo 3:1

Dingero Nuggishoo Doono Yeeri halliti cooxinaꞌo bulliyee beshe accechone. Ureyich “Iberoon Yeeri ‘Becheeti michi aafo bulliichee maayaahote’ itone?” iye.

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Iyoobi 1:7

Doono Yeeriyoo Sheexaanoon “Amoocheeniye ne waabeeto?” iꞌi echehe. Sheexaanoo Doono Yeerich wochiꞌi, “Showee toommooch guuddaꞌa okk hach, desh damba shaꞌoocheeniye” iye.

Isiyaasi 24:22

Qoppeenaꞌo oppee maaceexi cuyee kexooch kiceyoommon boonoshiyoo kiceyemminaꞌone; cuyee kexoochoo hichemminaꞌone; meeti aaboyee gubb naxeyemminaꞌone.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Hiziqeeli 47:5

Wottoo hume hiroon hirehe; aaco beshoyich taach hakkeyaani oogeton ceeno tunehe; ebi aaco baatoona kimo hakkeyaani, waakkoyich bedditi gejjoone.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 8:29

Boonoshiyoo bekkech bunneꞌi, “Yeerichi Bushoocho, no mooyooch neen amo geddiye? Nallaa galloo waataan beetaa noon xuuxiiya hiniich waanne?” iibee cookiyeete.

Maariqoosi 4:15

Shookkii bi beetaa, gommi gashooch holliti yaroon shaahii beetinaꞌo Yeerichi qaaroon boonoshi waayemmona, bekkech Sheexaanoo waaꞌi hini are boonoshi waayeti qaaroon boonoshi mulloochee maciꞌi daammiibeeti asheenaꞌone.

Maariqoosi 5:7

Arooba Yesuusi “Hini yinnoocho, uro toommoochee tibe” iye. Ebich uro oogichii cookiꞌi, “Beshe Nuggishoo Yeerichi Bushoo Yesuuso, ta mooyooch neen amo geddiye? ‘Taan yulliyaahine’ iyaꞌa Yeerina neen yecheto taane” iye.

Yowannisi 12:31

And hini alemee toommooch nalloo kindiya bedditone; and hini alemoon hajjiibeeti taatoo maach yookkeyemmone.

Yowannisi 16:11

Nalleechonoo, alemoon hajjiibeeto toommooch nalloo kinditoyichiye.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

Hibireena'o 2:14

Illa ebi bushiisheenaꞌo meenon taheti asheenaꞌo boonoshi tunetoyich, Yesuusiyoo wotta boonoshichoommon meenon taheti ashoon tunehe. Ebin Yesuusi tuneto, bi qitoona ashoon wuxee hakkoo biich beeti daabiloosin ebi bi hakkoon bi mucciyemmoyichiye.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

2 Pheexiroosi 2:4

Yeeriyoo axaaxoon shuuneti maraakeenaꞌoyich ariqqeyaanoon, shiweree qaaqqooch duppiꞌi hoone manderooch tuneree nallee aabooch beddaahaa boonoshi quyeyemmoyich bi tuniitoyee;

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.

Yaaꞌoo 12:13

Dareboo showee toommooch bi duppoon ariiꞌi, anaami bushoon shiyeti ureen yookkiye.

Yaaꞌoo 12:15

Dareboo ureen aacona maanjiya qaawiꞌi ooge woce aacoommi aacon bi kookkoochee ureechi hillooch kuufiye.

Yaaꞌoo 12:17

Arooba dareboo ureena ippeꞌi, Yeerichi getoyich deꞌa ii beeti, Yesuusi miixeti iberoon gibenoona quyeebeeti ureechi yaroochee echetinaꞌon kocha hammiye;

Yaaꞌoo 12:3

Bare worganikkiti mooyo shimaayooch bekkehe; shabaatte qelloonaa aashire qaroona, bi qellee haddoonoo shabaatte gubbichoo beeti ooge ceelle dareboo beehe.

Yaaꞌoo 12:4

Bi ceeroona shimaajji xojjeneenaꞌo daggoochee keejje beereexi ikke beeroon geechii showooch kindiihe. Hini are dareboo ure bi shiyigaata shiijjemmi bushoon maaya iꞌi bi aafooch neexehe.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:2

Ebi ta beeggeti cooxo maahoon shaahoone; bi baatoo diibee baatoommo, bi kookkoo daaheree kookkoommone; dareboo bi giidoonaa bi taatee qeenonon, ooge hakkoonoo biich immiye.

Yaaꞌoo 13:4

Dareboo cooxoyich hakkoon bi immitoyich, asheenaꞌo dareboyich goyinneheete; cooxoyichoo wotta “Hini cooxona tatemmo aabine? Biinna koyoon hakkemmo, konine?” iibee biich goyinneheete.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 20:7

Hume nato ciiremmona, Sheexaanoo bi cuchetoochee biicheyemmone.

Yaaꞌoo 9:11

Boonoshichoo taatoo beetone; are taatoo oppee hoonee maraakoone; bi shigoo Hibiree noonoona Abaadooni, Giriikee noonoona Apholiyooni getteehe.