Yaaꞌoo 2:7 - Kafa Linguistics Project

⁷ “Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 2:7 ပူးပေါင်းရင်းမြစ်များ

Shaahiyoo 11:30

Cadiqe ashi shuunee aafo kashoon daniihe; asheenaꞌon kiciibeeto ariyechone.

Shaahiyoo 13:12

Gibeneeti mooyo yagigaata mullo ayiniye; tunebaani qaatoo ceenigaata, kashoon emirikkiye.

Shaahiyoo 15:4

Wodiyechi heciyoo kashoon daniihe; tunebaani xumme heciyoo qiimittoon wuxiye.

Shaahiyoo 3:18

Biin yechitinaꞌoyich kashoon immaabeeti mixiyoommone; biin tugetinaꞌo bulli diireyemminaꞌone.

Hiziqeeli 28:13

Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hiziqeeli 31:8

Yeerichi bechee mixinaꞌooch beeti yigoo biinna toyeyoon hakkaanoone. Ciideenaꞌo bi ati bedaaneenaꞌone. Asiitee mixinaꞌo bi ateenaꞌona tateyaaneenaꞌone; Yeerichi bechee mixinaꞌoochee malletoona biinna tatemmo aalloone.

Maatiyoosi 11:15

Illa waayeebeeti waajjecho waayebe.

Maatiyoosi 13:43

Arooba cadiqeenaꞌo boonoshi Nihoo Yeerichi taatittineechaa aabeechoommon aaxxemminaꞌone. Illa waayeebeeti waajjecho waayebe” iye.

Maatiyoosi 13:9

Waayeebeeti waajjecho waayebe” iye.

Maariqoosi 4:9

Ciiroochaa Yesuusi boonoshich “Waayeebeeti waajjecho waayebe” iye.

Maariqoosi 7:15

Ashoon eeꞌiibeeto ashi waanee kechiibeet mooyoani, ashi waan giyiibeeti ashoon eeꞌiibeeti mooyo cir aalloone.

Maariqoosi 7:16

[Illa waayeebeeti waajjecho koniyoona waayebe]” iye.

Luqaasi 23:43

Yesuusiyoo wochiꞌi, “Neech iberoon gettoye, hanaach yannetooch giyiree taanna tookki kotemmo neene” iye.

Luqaasi 8:8

Baroo wotta qeemi showooch holliꞌi collehe; diccii kechiꞌinoo balle kishoon aafehe” iye. Yesuusi ebin gettiichii bi qaaroon oogichiꞌi, “Waayeebeeti waajjecho waayebe” iye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

2 Qorontoosi 12:4

Yannetooch tiijjaa hammiye; asho koniyoona yibbaatemmoyich daaggeyaani, getteyoo hakkeyaani qaaroon aroochaa waayehe.

1 Yowannisi 2:13

Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, gondoochi nihoon kochii ittoshi wochitoyichiye. Ta shuni bushiisheenaꞌote! Ittoshich ta kooraabeeto, Nihoo Yeerin ittoshi ariitoyichiye.

Yaaꞌoo 13:9

Waayeebeeti waajjecho bi beegaata, waayebe.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.

Yaaꞌoo 15:2

Arooba qaaqqoona bacceeti burciqee baharoon shaahii beeton beeggeho; wotta cooxonaa ebi are cooxon shaahiitaa shuuneetonon, bi shigee haddoonoo kochii wochitinaꞌo Yeer waanee boonoshi deqqiti ooge ximboon yechiꞌi burciqee baharee toommooch boonoshi neexee beetaa beeggeho.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.