Yaaꞌoo 2:3 - Kafa Linguistics Project

³ Haaꞌiito neene; ta naboyicha getona duꞌeto neene; ebi bullina taahaano neene.

Yaaꞌoo 2:3 ပူးပေါင်းရင်းမြစ်များ

Shoddo 37:7

Doono Yeeri aafooch cikkiree beebe; haaꞌiyoona biin quyebe. Gondoon gabiibeeti ashich, mooyo kaamoona ippeyaahine.

Shoddo 69:7

Ne naboyich naagoon haaꞌiito taane; yeello ta aafoon kaappitone.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Maariqoosi 15:21

Hammii boonoshi beetaa, Iskindiroosinaa Rofoosinochi nihoo Qerenechi Simooni goyechi gafoochee waa beshee bi beetaa daneꞌi, “Masqaloon shaage” iꞌi yechiyeete.

Luqaasi 14:27

Bi masqaloon shaaggiꞌi taan dabbaani asho koniyoona ta dabboo tunoon hakkaache.

Luqaasi 18:1

Ebiyee gubb, taahaanoon bulli aaboon corooteechon Yesuusi ishichiꞌi bi dabbeenaꞌoyich hini shaahiyoona gettiye:

Luqaasi 21:19

Kuppheꞌi ittoshi neexegaata, bulli yemeenee kashoon danemmo ittoshine” iye.

Luqaasi 5:5

Simooniyoo wochiꞌi, “Ta Doonocho, yichi xumo bullin haashee dabboon duppaabee amoonolla yeshaanoon maraataꞌaaniye no hariito; tunebaani ne gettetoyicha getiree haashee dabboon duppehoye” iye.

Luqaasi 8:15

Wotta qeemi showooch holliti yaroomminaꞌo geto, ibere gaawe mulloona Yeerichi qaaroon waayeꞌi ceechiibeeti asheenaꞌo getone; haaꞌiiꞌi aafoon aafee beetinaꞌone” iye.

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Roomi 12:12

Gibeno ittoshich beetoyich emiribote; iritoon haaꞌiibote; corootoona kupphebote.

Roomi 16:12

Doono Yesuusich maddoona aajjiibeeti Tirufiininaa Tirufoosinoyich ta diggiyoon getote. Doono Yesuusich shuunoona oogeton aajjeti, shucheti no manee Fersisich ta diggiyoon getote.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Roomi 8:25

No beegaani mooyon no gibenegaata, haaꞌiyoona quyemmo noone.

1 Qorontoosi 13:7

Bulli mooyon haaꞌiihe; bullin iberiihe; bullin gibenehe; kuxaanoon manjiye.

1 Qorontoosi 16:16

And ittoshin ta qollemmi ikke mooyo beetone; ebiyoo eboshiyoommi asheenaꞌonaa boonoshina tookkii shuuneebee yullee beetinaꞌo bullinoyich ittoshi deꞌa gettemmoyichiye.

2 Qorontoosi 10:15

Ebich nooch icheti daaroyee beshaꞌa bareenaꞌo aajjitona beshaa beshoon geecaachone; ebiyee Kiristoosi toommooch ittoshich beeti mullee tooꞌiyoo diccimmona, ittoshi daggooch beeti no shuunee daaro beshoon gabini hammemmo bi tunoon gibenehone.

2 Qorontoosi 11:23

Kiristoosichi maddechinaꞌone? Geyechi ashoochoommon gettoye: Ta boonoshiyee besh taane; boonoshichoyee beshoon aajjeto taane; boonoshichoyee beshoon wodde wottoon cucheto taane; boonoshichoyee beshoon oogeton yexxeto taane; wodde wottoon qitoyich beddaahaa beddeto taane.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

2 Qorontoosi 5:9

Ebich wotta hini no meenona no beetaa woyee no baritaa, Doono Yesuus Kiristoosin emirikkoon oogichaa qaawaabeeto noone.

2 Qorontoosi 6:5

Yexxeto noone; cucheto noone; dofee asheenaꞌo no toommooch caagee boonoshi tiyaa iriteeto noone; shuunoona maraateto noone; tokketoon mucceto noone; shaaceto noone.

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Galaati 6:9

Ebich gaawe shuunoon shuunoyich beenaayone. Taahoo no qayigaata, qecci goorooba qeccemmo noone.

Filipphisiyoosi 4:3

Ne wotta Yeerichi shuunoona taanna tookkaa xaaqqeeti ibere ta addaaroocho, ebi genneenaꞌon ne gaachemmoyich neen qollehoye; boonoshiyoo taanna tookkii, kashee macaafooch boonoshi shigo kooreeti Qelimixoosinaa wotta taanna tookkii shuuneti bareenaꞌona tookkii mishiraachee qaaroon gamichoyich aajjitinaꞌone.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Tasaloonqi 2:9

No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.

1 Tasaloonqi 5:12

No maneenaꞌote! Ittoshi daggooch beechii aajjii shuunee beetinaꞌon, Doono Yesuusichi gommona ittoshin yaabii beetinaꞌon, ittoshin kaaree ciiccii beetinaꞌonoo ittoshi ariyemmoyich, boonoshi shuuneebeeti shuunoo bullich shunoona beshaa beshiiree boonoshin ittoshi oogiyemmoyich ittoshin qollaabeeto noone. Ittoshinaa ittoshinoo diggoona beebote.

2 Tasaloonqi 3:13

Illa no maneenaꞌote! Gaawe shuunoon shuunoyich taahiyaahote.

2 Tasaloonqi 3:5

Doono ittoshi mulloon Yeerichi shunoonaa Kiristoosichi haaꞌiyoonooch wochibe!

2 Tasaloonqi 3:8

Ittoshi daggoochee ikke ashi toommoocholla shaagoon no tuneyaachemmoyich, xumoonaa areddoonon aajjaa yullaa shuunaabeenalli, koni waaneenona baad cikkii koshon maataano noone.

1 Ximootiyoosi 4:10

Ebicha getona aajjaa maraataa beeto noone. Ebiyoo asho bullin, beshoonoo Kiristoosichi mishiraachee qaaroon iberii beetinaꞌo bullin, wodiibeeti beeyechi Nuggishoon no gibenaa beetoyichiye.

1 Ximootiyoosi 5:17

Kittinnee guuphi asheenaꞌon gaawichiꞌi yaabii qeejjiibeeti geeneenaꞌon gutte kishoon oogiyoo bede mooyone; beshoonoo Yeerichi qaaroon getonaa dojjoona yullee beetinaꞌon oogiyoo qaawiihe.

Hibireena'o 10:36

Yeerichi daaggoon ceechiree bi gibenikkiti gibenoon ittoshi danemmoyich haaꞌiyoo ittoshich qaawiihe.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 13:13

Illa no wotta, bi cooneetoommon cooneebee, kaamboyee maach, bi waan hambone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Hibireena'o 6:15

Ebich Abrahami haaꞌiiꞌi ebi gibeno biich ceenaa danoon hakkitone.

2 Pheexiroosi 1:6

ariyee toommooch qellee quyoon, qellee quyee toommooch haaꞌiyoon, haaꞌiyee toommooch Yeerin oogiibeeti qocoona beemon,

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.