Yaaꞌoo 19:7 - Kafa Linguistics Project

⁷ Bagoochi gaaro shaggitoyich, bi woꞌeyoo bi qelloon bi qanniitoyich emiribone; emiroona wucwucone; oogee yiiroonoo Yeerich imbone.

Yaaꞌoo 19:7 ပူးပေါင်းရင်းမြစ်များ

Shoddo 107:42

Kaameenaꞌo ebin beegiree emiroona wucwuccemminaꞌone; gondo bi noonoon yechemmone.

Shoddo 48:11

Ne dayinnetoochee tiyitona, Tsiyooni guudo emiribe; Yihudee katemeenaꞌooch beetinaꞌo emiroona wucwuceete.

Shoddo 9:14

Ebin ne tuniigaata, Tsiyooni addibaaboochaa ne galleto bullin gettemmo taane; taan ne wodiyoona emiremmo taane.

Shaahiyoo 29:2

Cadiqeenaꞌo ukkirehooba maccoo emiriye; tunebaani gonde asheenaꞌo ukkirehooba maccoo gaashilliye.

Solomooni 3:11

Tsiyooni gidiideenaꞌote, wobote; bi gaarooba, bi oogichii emiriti aabooba, bi indee ukiiti gubbichoon uketi, Taatoo Solomoonin ciinote.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 62:5

Gurimaashoo gidiideen shaaggiꞌi bi daamoommon, ne bushiisheenaꞌo ne showoon hajjemminaꞌone; woꞌee keno woꞌeena bi emiroommon ne Nuggishoo neenna emiremmone.

Isiyaasi 66:10

Yerusaalemin shunnii beetinaꞌote, ittoshi bulli biinna tookki emiri wucwucote. Biich eeppitinaꞌote, ittoshi bulli biinna tookki oogichi emiribote.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 1:20

Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 22:2

“Shimaajji taatittine ebiyoommine: Ikke taatoo bi bushoochi gaaroyich gifiroon qanniihe.

Luqaasi 12:36

Ittoshiyoo kechi doono gaaroochee bi wottoon quyeebeeti ashoon shaahibote; biyoo bi doono waaꞌi kelloon bi qofigaata, bekkech qechoyich quye beeyemmone.

Yowannisi 3:29

Woꞌee bi kenoochine; neexeꞌi waayeebeeti miyaatoo woꞌee kenoochi qaaroona oogichii emirii beetone. Illa ebina ta emiroo ceennitone.

2 Qorontoosi 11:2

Yeeri ittoshin bi qanaatee beetoommon, ebiyoommon ta wotta ittoshin qanaataabeeto taane. Ebiyoo shaakkeyaani gidiidechoommon ikke anaamoyich ittoshin ta immetoyichiye; aroo Kiristoosine.

Efesooni 5:32

Ebi wohi maacee mooyone; tunebaani ebin ta gettaabeeto, Kiristoosichonaa kittinnee guuphochonochi shaahiyoon tuniꞌaaniye.

Yibbaatoo 32:43

“Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.

Yaaꞌoo 21:9

Aree hillooch ciireexi shabaatte naxo ceenniti shabaatte xoofeenaꞌon yechiti shabaatte maraakeenaꞌoochee ikkoo waaꞌi taan “Hach ta waan wobe! Bagoochi mechee tunemmi woꞌeen neech bekkiibona” iꞌi gettiye.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.