Yaaꞌoo 19:20 - Kafa Linguistics Project

²⁰ Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 19:20 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Iyoobi 18:15

Asho koniyoona bi kexooch giyiree kotemmone; waageroo bi kechi daggooch shacceyemmone.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 34:9

Edoomee showeexi aacinaꞌo reenjoon tunemminaꞌone; showoo waagera shaddeyemmone; showoo bulliichoo qaaqqoo aaxxemmone.

Hiziqeeli 24:5

Bageenaꞌoochee beshe gaaweton daambe; shexxee dechiich qaaqqoon gaawichi shoohe; meenonaa shaawushoona gaawichi kashe’ itone gete” iye.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Daaneeli 8:24

Biyoo oogeti giidechon tunemmone; tunebaani bi hajjee giidoona toonoone. Biyoo shattiiti aalliyoon tuniyemmone. Bi tuniibeeto bulliyoo biich kaamemmone; giidechi asheenaꞌonaa yaafeeti asheenaꞌonon aalliyemmone.

Daaneeli 8:26

“Ebi neech biishaa getteeti yaaꞌoo, ebiyoo deejjoo giddeyaachemmi womikkeechonaa maaddeechona iberoon ceennemmone. Tunebaani meeti natoyee gubb ceennemmo bi tunetoyich, ebi yaaꞌoon konichona arichiyaahine” iye.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.

Yaasi 8:23

Tunebaani Aayi taatoon kashoona kecciꞌi Yaas waan deebiyeete.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 17:12

“Ne beeggeti aashire qaro batt taateyaani aashire taateenaꞌochi shaahiyoone; tunebaani cooxona tookki ikke saatoon boonoshi taatemmoyich taatittino boonoshich ichemmone.

Yaaꞌoo 19:19

Hareshoon yebbetonaa bi ginee naayinaꞌonon kocha cooxo, showee toommeexi taateenaꞌonaa boonoshi ginee naayinaꞌona kiceetinaꞌon beeggeho.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 9:17

Ebiyoommon yaaꞌoona ta beeggeti haresheenaꞌonaa boonoshin yebbetinaꞌona getee ginee tahoommi tahechinaꞌone; are tahoochi shaahoo qaaqqoommi ceello, yaakintoommi shimaayito, waageroommi keelleshoone; haresheenaꞌochi qello daaheree qelloommone; boonoshi kookkoocheenoo qaaqqoo, cufoonaa waageroona kechiye.