Yaaꞌoo 19:15 - Kafa Linguistics Project

¹⁵ Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 19:15 ပူးပေါင်းရင်းမြစ်များ

Shoddo 2:9

Xuuree gumboona boonoshin buriccemmo neene; nuuqqee qiicoochoommon yiikkemmo neene” itone.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Yoꞌeeli 3:13

Boonoshi shuunoo oogeti gondoone; maayi qecci goorooch maayoon magaadoona qecoommon, boonoshin qecote! Woyinee aafo oppooch ceennii beshiꞌi bi neexxeyoommon, waaree boonoshin neexote” iye.

Milikiyaasi 4:6

Ta waaree showoon ufona ta aalliyaachemmoyich Eliyaasi, niheenaꞌo mulloon bushiisheenaꞌo waan, bushiisheenaꞌo mulloon niheenaꞌo waan wochemmone” iye.

2 Tasaloonqi 2:8

Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

Yaaꞌoo 1:16

Bi qanne kishoona shabaatte xojjenoon yechitone; bi kookkoochee gutte baddaa gayireeti aci goraado kechiye; bi baroo qaawee aabee aaxxoommon aaxxee beetone.

Yaaꞌoo 12:5

Aageteenaꞌo bullin xuuree gumboona hajjemmi anaami bushoon shiyahan; bushoonoo Yeerinaa Yeerichi taatee qeenona beetooch daammiyeete.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 19:21

Echetinaꞌoo hareshoon yebbetochi kookkoochee kechiibeeti aci goraadoona kochee qitiyeete; gaceenaꞌo bulliyoo boonoshi meenon maa michiyeete.

Yaaꞌoo 2:12

“Phergaamooni kittinnee guuphi maraakoyich ishichi kooribe: Gutte baddaa gayireeti aci goraadecho ishichiye:

Yaaꞌoo 2:16

Illa axaaxee gommoochee Yeer waan wottebe! Ebi tuno qayigaata, kaateree neech woyemmo taane; waaree ta kookkoochee kechiibeeti goraadoona boonoshin kochemmo taane.