Yaaꞌoo 19:11 - Kafa Linguistics Project

¹¹ Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 19:11 ပူးပေါင်းရင်းမြစ်များ

Shoddo 50:6

Yeeri bi qelloona nallecho bi tunetoyich, shimaayeenaꞌo bi cadiqoon awaajjiyeete.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Keyo 15:3

Doono Yeeri koyechone; bi shigoo Doono Yeerine.

Isiyaasi 32:1

Taatoo cadiqoona iraasheenaꞌoo tatoona qeejjemminaꞌone.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Erimiyaasi 33:15

Aroobee yemeenoonaa aroobee aaboonooch, cadiqe ato Daawitich bi atemmoyich tuniyemmo taane; biyoo showee toommooch dayinnetoona, cadiqittinoonoo nallemmone.

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Zakaariyaasi 1:8

“Ikke asho ceelle hareshoon yebbeꞌi bi beetaa xumi yaaꞌoon beeggeho. Biyoo bambooch, hadaasee michi daggooch neexeꞌiniye bi beeto. Bi gubb ceelle hareshoo, daashe hareshoonaa nacce hareshoona beetone.

Yowannisi 1:51

“Iberoon ittoshich gettoye: Shimaayoo qecheetaa, Yeerichi maraakeenaꞌo Ashi Bushoo toommooch keyi kindi boonoshi beetaa, beeggemmo ittoshine” iye.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 19:19

Hareshoon yebbetonaa bi ginee naayinaꞌonon kocha cooxo, showee toommeexi taateenaꞌonaa boonoshi ginee naayinaꞌona kiceetinaꞌon beeggeho.

Yaaꞌoo 19:21

Echetinaꞌoo hareshoon yebbetochi kookkoochee kechiibeeti aci goraadoona kochee qitiyeete; gaceenaꞌo bulliyoo boonoshi meenon maa michiyeete.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye:

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.

Yaaꞌoo 6:2

Beeggaanoo iyo; areegaata nacce hareshoon beeggeho; aroon yebbeto kishooch maꞌo beetone; biichoo gubbichoo ichehe; kochii wochechon tuneꞌi bi shixechinaꞌon koyi wochiya shimaajji taatee xaaꞌoochee kechii hammiye.