Yaaꞌoo 18:8 - Kafa Linguistics Project

⁸ Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.

Yaaꞌoo 18:8 ပူးပေါင်းရင်းမြစ်များ

Iyoobi 9:19

Giidoona ta qiicceyaachemmoyich, bi giidechone; tagge ta nalleyaachemmoyich, nallee gabberooch biin giddiyemmo konine?

Shoddo 62:11

Yeeri ikke wottoon gettiye; tawoo ebin gutte wottoon waayehoye; giidoo Yeerichone.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 9:14

Ebich Doono Yeeri qelloonaa ceeroonon, yeebbee waamonaa kohoonon Israꞌeeleenaꞌo waanee ikke areddoon kuxxemmone.

Erimiyaasi 50:31

“Hini geecechocho, ne toommooch taane” iye Beshe Mawe Nuggishoo Doono Yeeri. “Ebiyoo neen ta sheeremmi aabo bi shaggitoyichiye.

Erimiyaasi 50:34

Tunebaani boonoshin Biishecho kupphoone. Bi shigoo Beshe Mawe Doono Yeerine; showoon tooꞌii kashiyoyich, boonoshi taggoon kupphii taggemmone; tunebaani Baabloonee showooch beetinaꞌon geewiyemmone.

Erimiyaasi 51:58

Beshe Mawe Doono Yeeri ishichiye: “Baabloonichi tagge uxeroo happeyemmone; bi genje kelleenaꞌo qaaqqoona miccemminaꞌone, asheenaꞌochi aayo duubemmone; aageteenaꞌochi shuunoo qaaqqooch tunemmone” iye.

Erimiyaasi 51:6

“Baablooni daggoochee keyi aallebote; ittoshi ikkikkoona ittoshi kashoon wodiibote; bi xuꞌee naboona aalleyaahote; hini Doono Yeerichi nichoon gaacci aaboone; bi kaalloon biich wochemmone.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yaaꞌoo 11:17

ishichiyeete: “And beeti, aafoo beeti, Beshe Hakkechi Nuggishoo Doono Yeero! Ooge ne giidoon yechaꞌa ne taatetoyich neen galletehone.

Yaaꞌoo 17:16

Ne beeggeti aashire qaroonaa cooxona yahechi ureen shixxemminaꞌone; shokke kishoo biin tunii, shokkaachoon biin echiyemminaꞌone; bi meenonoo maayemminaꞌone; qaaqqoonoo biin michemminaꞌone.

Yaaꞌoo 17:18

Ne beeggeti ure showee toommooch beeti taateenaꞌo bulli toommooch taataabeeti ooge katemeechi shaahiyeene” iye.

Yaaꞌoo 18:19

Buttoon boonoshi shimbooch shahiree eefi muushenebee ishichi cookemminaꞌone: ‘Giixoyich baharoon markaboona kimmii beetinaꞌo bullin bi gaannoona gaanniiti hini ooge katemeech woowo! Diqqoona bekkech aallehane!’ geti cookemminaꞌone” iye.

Yaaꞌoo 19:3

Wochinnoonoo cookiibee, “Haleluya! Cufoo bi waanee bulli yemeenoon keyi beeyemmone” iye.