Yaaꞌoo 18:23 - Kafa Linguistics Project

²³ Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.

Yaaꞌoo 18:23 ပူးပေါင်းရင်းမြစ်များ

2 Taateenaꞌo 9:22

Yoraami Yehin, “Yeho, ne waato, diggoochiye?” iye. Biyoo, “Ne indee Elizabeelichi shahalloonaa qaaxoona wodde beetaa, amee diggoo beete?” iꞌi wochiye.

Iyoobi 21:17

“Gonde ashi qaaqqoo tahaa, beeggii ariihote? Boonoshi toommooch naxo kindii beete? Yeeri ippoona boonoshin qaaꞌi iritooch duppii beete?

Shaahiyoo 24:20

Gondeenaꞌoyich gubbich tunemmi gibeno aalloone; boonoshi ceechoo tahemmone.

Isiyaasi 23:8

Gubbichoo ukiibeeti katemee toommooch, giixechi bi asheenaꞌo iraasheenaꞌonaa showee toommooch moogeetinaꞌona tuneti ebi Xiroosi toommooch, ebin tuniiya gabito konine?

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Erimiyaasi 16:9

Israꞌeelee Nuggishoo Beshe Mawe Doono Yeeri ta ishichiyoye: Ittoshi aafooch, wottoo ittoshi yemeenooch, ililee qaaroonaa emiree qaaroonon, woꞌee kenoochi qaaroonaa woꞌeechi qaaroonon, hini xaaꞌoochee echiyemmo taane.

Erimiyaasi 25:10

Ebiyee wotta boonoshi waanee emiree qaaroonaa ililee qaaroonon, woꞌee kenoochi qaaroonaa woꞌee qaaroonon, maayi yiikkee qaaroonaa ceechee bekkoonon aalliyemmo taane.

Erimiyaasi 7:34

Showoo shokkoon echemmo bi tunetoyich, Yihudee katemeenaꞌonaa Yerusaalemi addibaaboonoochee ililee qaaroon, emiree qaaroon, woꞌeechi qaaroonaa woꞌee kenoochi qaaroonon aalliyemmo taane” iye.

Naahoomi 3:4

Nanawi katemee yahechi ureyoommi bi tunetoyich, Doono Yeeri biin naxee beetone; macecikkitonaa ashoon wuxiibeetona tuneti qaaxoona ceennetine; bi qaaxoona aageteenaꞌon bi waan giddiyaꞌa, bi guunon tuniihan.

Mishiraachechinaꞌo 8:11

Meeti yemeenoon bi kaayaa beeggitinaꞌo worganeebee, bi getoon waayee beeheete.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 17:2

Showeexi taateenaꞌo biinna tookkii shuno maaheete; asho mashiibeeti uyoona bi mashoommon, showee toommooch beeti asheenaꞌo biinna tookkii shunee mamona masheheete” iꞌi gettiye.

Yaaꞌoo 17:5

Bi baroochoo aacheeti mooyon yechiti shigo: Ooge Katemee Baablooni, Yahechinaꞌonaa Showee Toommeexi Ciigeetinaꞌonochi Indee, getaa kooreetone.

Yaaꞌoo 18:22

Ximboon yexxechinaꞌonaa shoddee qiicee ariyechinaꞌonochi qaaro, shametoonaa tiroonochi huggi qaaro, ebiyee bekk ciroona ne waanee waayeyaachemmone; kishee shuunee ariyecho ebiyee bekk ciroona ne waanee daneyaachemmone; maayoon yiikkeebeeti yiikke xaqqee qaaro ebiyee bekk ciroona ne waanee waayeyaachemmone.

Yaaꞌoo 18:3

Aageteenaꞌo bulli mashiibeeti bi shunee mami woyinee uyoon uchitinaꞌone; showeexi taateenaꞌo biinna tookkii shunoon maatinaꞌone; showeexi giixechinaꞌo mashaamiti bi beemoochee tiyitona gaanneheete” iye.

Yaaꞌoo 18:9

“Biinna tookkii shunoon maati, mashaamiti bi beemoochee tookkii qoodeeti showeexi taateenaꞌo bi micaa kechiibeeti cufoon beegiree, ‘Woowo!’ geti cookemminaꞌone; eefeshoo gettemminaꞌone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.

Yaaꞌoo 6:15

Showee toommeexi taateenaꞌo, woraaferasheenaꞌo, ginee iraasheenaꞌo, gaannechinaꞌo, giidechinaꞌo, guuchi yareenaꞌonaa xalle yareenaꞌo bullinoo gofoonaa xaqqee guudi gogginonooch aasheheete.

Yaaꞌoo 9:21

wotta ashoon wuxoon woyee iicoon (qaaxoon) woyee shunee mamon woyee gaayon qajjiꞌi axaaxee gommoochee Yeer waan wotteyaaneenaꞌone.