Yaaꞌoo 18:20 - Kafa Linguistics Project

²⁰ Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 18:20 ပူးပေါင်းရင်းမြစ်များ

Shoddo 107:42

Kaameenaꞌo ebin beegiree emiroona wucwuccemminaꞌone; gondo bi noonoon yechemmone.

Shoddo 109:28

Boonoshi taan uppiyeete; tunebaani ne diirihine; ta toommooch tiyii beetinaꞌo yeellebeete; tunebaani ne guuno ta emiroona wucwuccehoye.

Shoddo 18:47

Yeeri ta etteenaꞌo toommooch nichoon kichii beetone; biyoo macceenaꞌo taach hajjeyemmoyich tunii beetone.

Shoddo 48:11

Ne dayinnetoochee tiyitona, Tsiyooni guudo emiribe; Yihudee katemeenaꞌooch beetinaꞌo emiroona wucwuceete.

Shoddo 58:10

Gondeenaꞌo toommooch nichoo kicheetaa beegiree, cadiqe asho emiremmone; gondeenaꞌochi damoona bi baatoon machemmone.

Shoddo 94:1

Nichoon kichechi Nuggishoo Doono Yeero, nichoon kichechi Nuggishoocho, bekkebe.

Shaahiyoo 11:10

Cadiqeenaꞌoyich mooyo kaamegaata, katemoo emiriye; gondeenaꞌo aallegaata, wotta emiroona ililiye.

Isiyaasi 26:21

Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Yibbaatoo 32:42

Ta shangeenaꞌo boonoshi damoona mashemmoyich tuniyemmo taane; ta goraado boonoshi meenon maayemmone. Keccetinaꞌo bullin wuxemmo taane; genje goferechi boonoshi qelloon kuxi bajjemmo taane’ iye.

Yihudi 1:17

Tunebaani ta shunechinaꞌote! Ittoshi no Doono Yesuus Kiristoosi wocheti mishiraachechinaꞌo ebiyee aaf boonoshi gettiti qaaroon gabibote.

Yaaꞌoo 12:12

Ebich shimaayoonaa bi daggoonooch beetinaꞌote, emiribote! Showoonaa baharoonooch beetinaꞌote, ittoshich woowo! Daabiloosi giisheche aabo baach biich echeto tunoon ariiꞌi oogeti kaaroona ittoshi waan kinditone” iye.

Yaaꞌoo 18:6

Bareenaꞌo toommooch gondoon bi shuunetoommon, bi toommooch aroommon gaacote. Bi tuniiti gutte kishoon tuniiree minjibote. Bareenaꞌo uchemmoyich bi qanniiti shayi uyee xoofooch bi shachemmoyich, gutte kishoon wuurii bacciree biich uchibote.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.