Yaaꞌoo 18:10 - Kafa Linguistics Project

¹⁰ Bi xuuxoon beegi shatiree wohooch neexeechi, ‘Hini ooge giidechi katemee Baabloone! Diqqoona Yeerichi nalloo ne toommooch shaggitoche! Neech woowo!’ getibee cookemminaꞌone.

Yaaꞌoo 18:10 ပူးပေါင်းရင်းမြစ်များ

Isiyaasi 21:9

Ebiyoche, gutti gutteꞌi gaarinaꞌon gasheebeeti hareshechinaꞌo waa beetinaꞌone” iye; biyoo wochiꞌi, “Baablooni dihitane; dihitane. Bi shahalleenaꞌo bulliyoo tiishee buriceꞌi showooch dihiteete” iye.

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Hiziqeeli 32:9

“ ‘Aageteenaꞌo daggoochaa, ne ariyaani showeenaꞌoochaanoo neen ta tiishiyooba, meeti showee asheenaꞌochi mulloon keqqichemmo taane.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Amootsi 5:16

Illa ebich Beshe Mawe Nuggishoo Doono Yeeri ishichiye: “Addibaaboo bulliichaa eefo eeppeyemmone; gommi gashoochaa asheenaꞌo ‘Woowo!’ getibee eeppemminaꞌone. Gochechinaꞌoo eefooch ceegaa woyemminaꞌone; hichee caaggechinaꞌona tookki eeppemminaꞌone.

Haddoo 16:34

Boonoshi guudoona beeti Israꞌeeleenaꞌo bulli ebi asheenaꞌochi bunnoochee tiyitona, “Showoo noonoo qooxxemmone” iꞌi wocee aalleheete.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.

Yaaꞌoo 14:8

Aree hillooch bare guttinnee maraakoo dabbiꞌi, “Aageteenaꞌo bulli mashiibeeti bi shunee mami woyinee uyoon uchemmoyich tuniiti ooge katemee Baablooni dihitiyoche; dihitiyoche!” iꞌi cookiye.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

Yaaꞌoo 17:12

“Ne beeggeti aashire qaro batt taateyaani aashire taateenaꞌochi shaahiyoone; tunebaani cooxona tookki ikke saatoon boonoshi taatemmoyich taatittino boonoshich ichemmone.

Yaaꞌoo 18:18

bi micaa kechiibeeti cufoon beegiree, ‘Hini katemeen shaahe ooge katemoo cir aalloone’ geti cookemminaꞌone.

Yaaꞌoo 18:19

Buttoon boonoshi shimbooch shahiree eefi muushenebee ishichi cookemminaꞌone: ‘Giixoyich baharoon markaboona kimmii beetinaꞌo bullin bi gaannoona gaanniiti hini ooge katemeech woowo! Diqqoona bekkech aallehane!’ geti cookemminaꞌone” iye.

Yaaꞌoo 18:21

Arooba ikke giidechi maraakoo ooge yiikke xaqqoommi xaqqoon tiijjiꞌi baharee daggooch ishichiibee duppiye: “Ooge katemee Baabloonin Yeeri ebiyoommon oogeti giidoona dufi aalliyemmone; ebiyee bekk ciroona daneyaachemmine.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.