Yaaꞌoo 17:8 - Kafa Linguistics Project

⁸ Ne beeggeti cooxo ebiyee aaf beetone; and aalloone; oppee hoonoochee kechaniye bi ii beeto; aalleshoo gettemmone. Showoo halleetoochee tiijjiꞌi boonoshi shigo kashee macaafooch kooreyaani, hini showee toommooch beeti asheenaꞌo, ebi cooxo ebiyee aaf beeto, and aallo, tunebaani gubb woyemmo bi tunoon boonoshi beegiyooba worganemminaꞌone.

Yaaꞌoo 17:8 ပူးပေါင်းရင်းမြစ်များ

Shoddo 69:28

Boonoshi shigo kashechinaꞌochi mazigaboochee hideebe; cadiqeenaꞌona tookki kobereyaayeete.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Daaneeli 7:11

Andoo ciinnaabee, ebi giishi qaro yibbaateebeeti geecee yibbaatoon waayeho. Ta ciinnaa beetaa, awuddinnee cooxo guureehe; bi meeshoo qaaqqooch duppeꞌi miccii aallehe.

Daaneeli 7:26

“Aroochee shimaajji nallechinaꞌo nalliya kotemminaꞌone. Biyoo bi hakkoon bokkeree ciroona ciirooch beddaahaa aallemmone.

Daaneeli 7:3

Baharoochee ikkoo ikkoon shaahaani, baribare awudde cooxinaꞌo kechiyeete.

Daaneeli 7:7

Andoo yaaꞌoona xum ta ciinnaa beetaa, awuddinnee cooxo bekkehe. Biyoo oogeti giidechonaa shattii giiriitonane. Ogooge xuuree gashechone; biyoo bi yechiton yiikkee billbillayiꞌi maahe; echetonoo bi baatoona neexxiye. Biyee shiichiꞌi beeti cooxinaꞌo bulliyee baroone; aashire qaro biich beetone.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Luqaasi 10:20

Tunebaani ittoshi shigo shimaayeexi macaafooch bi kooreetoyich emiribotalli, yinneenaꞌo ittoshich boonoshi yittiꞌi hajjee beetoyich emiriyaahote” iye.

Luqaasi 8:31

Wotta yinneenaꞌo “ ‘Ciiraalli hoonooch hamiree gibote’ getiree noon yookkaahine” iꞌi qolleheete.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

1 Pheexiroosi 1:20

Biinoo Yeeri alemo halleyaan beetaa kaaccitone; wotta qitoochee biin tiijjiti, oogee yiiroonoo biich immiti Yeeri toommooch bi naboona ittoshi mulloon tooꞌiibeeti ittoshicha iꞌi hini yemeenee ciiroochaa bekkehe. Ebich ittoshi mullee tooꞌiyoonaa gibenoona Yeeri toommooch tunetone.

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.

Yaaꞌoo 17:11

Ebiyee aaf beebee echeti, and aalli cooxo bi qelloona wotta shimittinnee taatoone; shabaatteexi ikkoone; ebi aroo aallemmone.

Yaaꞌoo 17:2

Showeexi taateenaꞌo biinna tookkii shuno maaheete; asho mashiibeeti uyoona bi mashoommon, showee toommooch beeti asheenaꞌo biinna tookkii shunee mamona masheheete” iꞌi gettiye.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.

Yaaꞌoo 20:15

Bi shigoo kashee macaafooch kooreeꞌi daneyaani asho koniyoona qaaqqee baharooch duppehe.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.