Yaaꞌoo 17:15 - Kafa Linguistics Project

¹⁵ Aree hillooch maraakoo taach ishichiye: “Yahechi ure boonoshi toommooch kotaꞌa bi beetaa ne beeggeti aacinaꞌo, ashi yoodi yoodeenaꞌonaa dofee asheenaꞌona, aageteenaꞌonaa baribare noonoona yibbaateebeeti asheenaꞌonochi shaahiyeenaꞌone.

Yaaꞌoo 17:15 ပူးပေါင်းရင်းမြစ်များ

Shoddo 18:4

Qitoo woderoochoommon ta toommooch caaceehe; aalliyechi ooge aacochoommon taan qooxxa iye.

Shoddo 65:7

Ne, baharee goohoon, aachi aayi buugoon, macceenaꞌochi dulloon cikkaayihine.

Erimiyaasi 47:2

Doono Yeeri ishichiye: “Dambi-waanee aaco tiyemmone; wocciibeeti ambamboon tunemmone; showoonaa arooch beeto bullinon, katemeenaꞌonaa arooch beetonon, qooxxemmone. Asheenaꞌo cookemminaꞌone; showee toommooch beetinaꞌo bulla maacere eeppemminaꞌone.

Erimiyaasi 51:13

Meeti aachi gashooch kotetocho! Gaannoon ciqqinnetocho! Ne aallemmi aaboo, ne ciiro shaggitone.

Erimiyaasi 51:42

Baharo Baablooni toommona woccemmone; aachi aayonoo qoochemmone.

Erimiyaasi 51:55

Ebiyoo Doono Yeeri Baabloonin bi aalliitoyich, ooge bi qaaroonoo bi haweccaayitoyichiye. Boonoshi etteenaꞌochi goohoo ooge aachi qaaroommone; boonoshi qaaro shillii beetone.

Hiziqeeli 31:4

Aacinaꞌo are mixon aariiheete; kote aacinaꞌo bi diccemmoyich tuniiheete; aacinaꞌoo bi becheeti guudoona woccii beeheete; aroochee woce aacinaꞌo kubbooch beeti mixinaꞌooch ufee beeheete.

Yaaꞌoo 10:11

Ebiyee gubb, “Meeti ashi yareenaꞌochon, aageteenaꞌochon, baribare noonoona yibbaateebeeti asheenaꞌochonaa taateenaꞌochonon wochinnoon keemoon keemmemmo neene” getteeho.

Yaaꞌoo 11:9

Ashi yaroochee, yoodoochee, baribare noonoona yibbaateebeeti asheenaꞌonaa aageteenaꞌonoochee tuneti asheenaꞌo keejje qemonaa qatonon ebi boonoshi dubenoon ciinnemminaꞌone; are dubenoo bi duukkeyemmoyich daaggaachemminaꞌone.

Yaaꞌoo 17:1

Shabaatte xoofeenaꞌon yechiti shabaatte maraakeenaꞌo daggoochee ikkoo waaꞌi taach “Wobe; meeti aacinaꞌo toommooch koteti aricheti yahechi ure toommooch Yeeri aabichiree bi nallemmo gaata neech bekkiibona.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;