Yaaꞌoo 17:14 - Kafa Linguistics Project

¹⁴ Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 17:14 ပူးပေါင်းရင်းမြစ်များ

Shoddo 110:5

Doono ne qannoochiye; bi kaaree aabooba taateenaꞌon buriccemmone.

Erimiyaasi 1:15

Ebiyoche ta, dambi-waan beeti taatee gumbeenaꞌo bullin ceeggemmo taane; bulliyona waaree Yerusaalem giyeebeeti kellooch, uxeree guudo bulliich, Yihudee katemoo bulliich boonoshi taatee qeenon kotiyemminaꞌone.

Erimiyaasi 1:19

Neenna koyemminaꞌone; tunebaani neen wodiyoyich neenna tookkii ta tunetoyich ne toommooch wudoo daneyaachemminaꞌone” iye Doono Yeeri.

Erimiyaasi 50:44

“Daaheroo Yoordaanoosi dunne shaaroochee bageenaꞌochi gaddooch bi womoommon, diqqoona waaree boonoshi showoochee boonoshin yookkemmo taane; ta kaacceton boonoshi toommooch ukkiriyemmo taane. Taanoommo konine? Taan echoon hakkemmo konine? Ta aafooch neexoon hakkemmi wulloo konine?

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 7:21

Ta ciinnaa beetaa, are qaro yaafeenaꞌona koyeꞌi, boonoshin kochii wochiye.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Maatiyoosi 22:14

“Ceekkeetinaꞌo meetinaꞌone; tunetaa kaachetinaꞌo giishecheenaꞌone” iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Roomi 1:6

Ebi aageteenaꞌo daggoochee ittoshiyoo wotta Yesuus Kiristoosicho ittoshi tunemmoyich ceekketo ittoshine.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Qorontoosi 15:24

Yeeri bi shixechinaꞌo bullin kochii kecciꞌi Kiristoosichi baatooch bi dichimmi wottoon, Kiristoosichi taato echeyaani mooyone. Ebich Kiristoosi taatittinoon, ukkirittinoonaa giidoo bullinon happiree bi taatittinoon Nihoo Yeerich guudiiree immemmone. Arooba yemeenee ciiro tunemmone.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

1 Ximootiyoosi 6:15

Galleteya bede ikke mixxo tuneti Mawe Yeeri, taateenaꞌochi Taatoonaa dooninaꞌochi Doonona bi daaggiti aabooba are Doono Yesuus Kiristoosichi womon bekkiyemmone.

2 Ximootiyoosi 2:4

Koyooch ceegaa hammiibeeti asho bulli ginee iraashoon emirikkoyich gabiyalli, bare shuunooch giyiꞌi xandeyaache.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.