Yaaꞌoo 16:6 - Kafa Linguistics Project

⁶ Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Yaaꞌoo 16:6 ပူးပေါင်းရင်းမြစ်များ

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Keyo 21:24

aafoon dookkito bi tunegaata, bi aafo dooge; gashoon tiichito bi tunegaata, bi gasho tiishebe; kishoon tiichito bi tunegaata, bi kishoo tiishebe; baatoon tiichito bi tunegaata, bi baatoo tiishebe;

Keyo 7:17

And Doono Yeeri ta tunoon ariyemmo neene’ itone. Ebi ta gumboona Abbaayi aacon yexxemmo taane; aaco damoon tunemmone.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 26:11

Qeesheenaꞌonaa keemechinaꞌona, ukkireenaꞌonaa asho bullinoyich “Ittoshi hajjee waamona ittoshi waayetoommon, hini katemee toommooch keemoon bi keemmitoyich hini uro qita bedoone” iyeete.

Erimiyaasi 26:16

Aroochee ukkireenaꞌonaa asho bullina, qeesheenaꞌonaa keemechinaꞌonoyich “Hini uro no Nuggishoo Doono Yeeri shigoona keemoon nooch bi keemmitoyich, qita bedaache” iyeete.

Shoosho 4:13

Ebi bi tuneto, keemechinaꞌochi axaaxoyich, qeesheenaꞌochi xuꞌoyich, cadiqeenaꞌochi damoon bi daggoochaa boonoshi ukkitoyichiye.

Hiziqeeli 32:6

Showoon guudinaꞌooch beddaahaa ne damoona wooriyemmo taane; aachi woretoo ne meeshoona ceennemmone.

Luqaasi 12:48

Tunebaani ariyaanoon biin xooppiiya bedoon shuuneti wochee bushoo ariyaanoon bi shuunetoyich, giishechoon xooppemmone. Yeeriyoo meeton biich bi immiti asho bulli waanee meeton qaawemmone; beshiiꞌi bi immiti ashi waanee beshoon echemmone” iye.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Yaaꞌoo 11:18

Aageteenaꞌoo oogichii kaareheete; tunebaani ne kaaroo kindiye; qititinaꞌo toommooch ne nallemmi yemeeno shaggitone; neech maddeebeeti ne keemechinaꞌonaa ne shigoon oogiibeeti yaafeenaꞌonoyich, gishiisheenaꞌonaa ogoogeenaꞌonoyich, boonoshi shuunee gatiyoon ne qoccemmi, showoon aalliyechinaꞌon ne aalliyemmi, yemeeno shaggitone” iyeete.

Yaaꞌoo 13:10

Kecee hamoyich daaggeeto koniyoona bi beegaata, kecceeꞌi hamo echeyaani mooyone; goraadoona bi qitemmoyich daaggeeto koniyoona bi beegaata, goraadoona qitemmone. Yaafeenaꞌochi gibeneyoonaa haaꞌiyoona bi qaaweebeeto ebiyoobane.

Yaaꞌoo 13:15

Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 18:24

Are Baablooni katemee daggoochoo keemechinaꞌonaa yaafeenaꞌonochi damoo, showoochaanoo guuraa qititi asheenaꞌo bullichi damoo danetone.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.