Yaaꞌoo 16:15 - Kafa Linguistics Project

¹⁵ Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 16:15 ပူးပေါင်းရင်းမြစ်များ

Keyo 32:25

Asheenaꞌo gawukkeenaꞌo boonoshi tunoon, Harooniyoo boonoshin boonoshi gaba gawukkito bi tunoonaa boonoshi etteenaꞌona cooqqireetinaꞌo boonoshi tunoonon Muusi beeggiye.

Isiyaasi 47:3

Ne achoo xalla bekkemmone; ne ashittino gaxxeyemmone; nichoon kichemmo taane; koninolla echiyaachemmo taane” iye.

Hiziqeeli 16:37

boonoshina tookkii ne emiriti ne shunimaayeenaꞌo bullin, ne shunnetinaꞌonaa ne shixxetinaꞌonon, bulli xaaꞌoochee ne toommooch kicemmo taane; kiciichi ne achoon boonoshi beeggemmoyich, gaxxemmo taane.

Hosee'i 2:3

Ebi tuno qayigaata, biin shooti shokkoon echiiree, bi shiijjehoobiyoommon tuniyemmo taane. Biin barahoommon, shuuꞌi showoommonoo tuniyemmo taane. Shachewoonoo wuxemmo taane.

Imbaaqoomi 2:15

Boonoshi achoon beegoyich, ittoshi giyeenaꞌo kaaree shiixxee xoofoochee woyinee uyoon uyiree mashemmoyich tuniibeeti ittoshich woowo!

Maatiyoosi 25:13

“Illa Ashi Bushoo woyemmi aaboonaa saatoonon ariyaano ittoshine; ebich qanniree quyebote” iye.

Maatiyoosi 26:41

Gondoochi nihoo dawushooch ittoshi giyaachemmoyich, kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Maariqoosi 14:38

Daakkiꞌi, “Gondoochi nihoo dawushooch ittoshi giyaachemmoyich kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

2 Qorontoosi 5:3

are shimaajji no kexon taheechi shokkaachoon tuneyaachone.

1 Tasaloonqi 5:4

Tunebaani no maneenaꞌote! Ebi are aabo gaayo xumoona womoommon diqq shagiree ittoshin bi keqqichaachemmoyich, ittoshi manderee asho toono ittoshine;

1 Tasaloonqi 5:6

Illa qaalliree no qelloon quyoona beebonalli, bareenaꞌochoommon tokketaayone.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

Yaaꞌoo 22:7

Yesuusi “Ebiyoche, kaateree woyemmo taane; hini macaafooch kooreeti keemee qaaroon quyee beetinaꞌo diireetinaꞌone” iye.

Yaaꞌoo 3:11

“Kaateree woyemmo taane; neech ichemmi gubbichoon koniyoona bi bogaachemmoyich, neech beeti mooyon manjiiree yeshe.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.