Yaaꞌoo 16:14 - Kafa Linguistics Project

¹⁴ Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.

Yaaꞌoo 16:14 ပူးပေါင်းရင်းမြစ်များ

1 Taateenaꞌo 22:6

Aroochee Israꞌeelee taatoo keemechi awudde balli bede asheenaꞌon ikkooch kiciꞌi, “Gilaadee showooch beeti Ramootin koyoyich hambote, qayote?” iꞌi boonoshin echehe. Boonoshiyoo, “Hambe; Yeeri ne kishooch beshiiree immemmone” iyeete.

Hiziqeeli 14:9

“Are keemecho dacheeꞌi bi wochigaata, are keemechon dachito Doono Yeeri taane; ta mochoon bi toommooch tiijjemmo taane; ta asheenaꞌo tuneti Israꞌeeleenaꞌo daggoochee biin aalliyemmo taane.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Luqaasi 2:1

Aroobee yemeenooch Awugisixoosi Qesaari bi taateebeeti aagetoo bulliich beeti asho haddaa bi kobereyemmoyich awaajjiye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Roomi 1:8

Kiristoosi toommooch mulloon ittoshi tooꞌiyoo alemo bulliich bi woree beetoyich, bulli mooyoyee shiichiree ittoshi bullichi naboyich Yesuus Kiristoosina ta Nuggishoon galletehoye.

2 Tasaloonqi 2:9

Ebi hukkechi uro bi woyemmo, Sheexaanoochi shuunoommon baribare giidoona koote worganikkiti malletoonaa gaakkechi shuunoonon shuunoonane.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

Yaaqobi 3:15

Ebiyoommi shalligoo damba Yeer waanee waabeeto toonoone; showee toommeexone; meechi qaateexone; yinneenaꞌo waanechone.

Yaasi 11:5

Ebi taateenaꞌo bulli Israꞌeeleenaꞌon kocha boonoshi ginee naayinaꞌon ikkochiꞌi waaheete. Meroomi aachi gashooch boonoshi kaamboon geddiyeete.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:3

Are cooxochi qelleexi ikkoo yexxee qitiya beddiꞌi mayeton beeggeho; tunebaani qitiya beddiꞌi mayeto wodiye. Showooch beeti asheenaꞌo bulli worganeꞌi ebi cooxon dabbiyeete.

Yaaꞌoo 16:16

Hini are yinneenaꞌo showee toommeexi taateenaꞌon Hibiree noonoona Arimagedooni getteebeeti xaaꞌooch kiciyeete.

Yaaꞌoo 16:7

Deejjee gudoochaa “Eeha, iberoone; Beshe Hakkechi Nuggishoo Doono Yeero, ne nalliti nalloo iberoonaa cadiqoonane” immi qaaroon waayeho.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 20:8

Showee awudde kelloona beeti aageteenaꞌon, Googinaa Magooginon bi muriciyemmoyich ginee koyee xaaꞌooch kiciya kechemmone; boonoshi haddoo baharee gasheexi qacoommone.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 6:17

Shattii giiriiti boonoshi kaaree shiixxee aabo waatone; konine neexoon hakkemmo?” iyeete.