Yaaꞌoo 15:3 - Kafa Linguistics Project

³ Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!

Yaaꞌoo 15:3 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

1 Kiinoo 6:49

Tunebaani Harooninaa bi shiijjeroona micciibeeti deejjee gudoonaa ixaanee deejjee gudoonooch deejjoon giddii beeheete. Boonoshiyoo Yaafe Xaaꞌeexi Yaafoochaa maddeebeeti maddoonaa Yeeri Israꞌeeleenaꞌochi axaaxoon bi maaremmoyich giddeebeeti deejjoonochi toommooch ukkireenaꞌone. Ebin Yeerichi guuno Muusi gettitoommon tuniiꞌi shuunee beeheete.

2 Kiinoo 24:6

Ebich taatoo boonoshi wulloo Yoyaadin ceeggiꞌi, “Israꞌeelee iiteenaꞌo miixee duukkaanoyich boonoshi qoccemmi, Doono Yeerichi guuno Muusi gettiti gibiroon, Yihudee asheenaꞌonaa Yerusaalemi asheenaꞌona waanee boonoshi kichiyemmoyich Leweenaꞌon kupphiyoo ne qajjeto amoyichiye?” iye.

Nehimi 9:14

Yaafeeti ne shambetoonoo boonoshich arichiihine; getoon, qociyoonaa sheeroonon ne guuno Muusina boonoshich immehine.

Iyoobi 36:24

Asheenaꞌo shoddoona galleteti Yeerichi shuunoon, newoo galletoon batteyaahine.

Iyoobi 5:9

Bi tuniibeeti giidechi mooyon asho ariyoon hakkaache; haddaa ciyaani worganikkiti mooyon tuniihe.

Shoddo 100:5

Ebiyoo Doono Yeeri deꞌo bi tunetoyichiye; biyoo bulli yemeenoon shoodechone; bulli shiijjerooch beddaahaa gibeneetone.

Shoddo 105:5

Bi guuno Abrahami yareenaꞌote, bi kaacciti Yaaqobichi bushiisheenaꞌote, bi tuniiti worganikkiti bi shuunoon, bi nalloonaa gaakkechi bi mooyonon gabibote.

Shoddo 111:2

Doono Yeerichi shuunoo worganikkitone; ebi aroona emiriibeeto bulli shalligoon qaawiye.

Shoddo 111:7

Bi shuunoo bulli iberoonaa tatoonane; bi geto bulliyoo gibeneetone.

Shoddo 139:14

Shattiitonaa worganeetona tuneti gommona ta halleetoyich neen galletehoye; ne shuunoo worganeetone; ebin gaawichaꞌa ariihoye.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 145:6

Worganeeti ne shuunee giidoo awaajjeyemmone; tawoo oogoo ne tunoon awaajjemmo taane.

Shoddo 18:30

Yeerichi gommo muricaalloone; Doono Yeeri gettiti mooyo gibeneetone; bi shoobooch giyitinaꞌon gaachoochoommon qerii beetone.

Shoddo 78:12

Boonoshi qaabbechinaꞌo aafoochaa, Gibitsee showoochaa, Tsoꞌaani gaddoochaa, gaakkechi mooyon tuniihe.

Shoddo 92:5

Doono Yeero, ne shuunoo am shaahoon worganikkitone! Ne gaboo oogeti wohone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Daaneeli 9:11

Israꞌeelee asho bulli ne sheeroon shaaddetone; ne gettetonoo waayeyaache iꞌi gubb wottetone. “Ne toommooch axaaxoon no shuunetoyich, ne guuno Muusichi Sheerooch kooreeti ufon no toommooch kindiihine.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yibbaatoo 31:30

Aroochee Muusi Israꞌeelee iiteenaꞌo bullich hini shoddee qaaroon waayiiꞌi gettii ciichiye. Ebi shoddee qaaro ishichii beetone:

Yibbaatoo 32:3

“Doono Yeerichi shigoon awaajjemmo taane. No Nuggishoyich oogoon imbote.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

Hibireena'o 3:5

Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.

Yaasi 22:5

Ittoshi Nuggishoo Doono Yeerin ittoshi shunnemmoyich, bi gommo bullin ittoshi dabbemmoyich, bi getoon ittoshi ceechemmoyich, biin manjiiree ittoshi yechemmoyich, ebiyoommon ittoshi ceeni mulloonaa ittoshi ceeni kashoona biich ittoshi maddemmoyich, Doono Yeeri guuno Muusi ittoshich bi gettiti getoonaa sheeroonon quyoyich, ittoshi qelloon ariibote” iye.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 11:17

ishichiyeete: “And beeti, aafoo beeti, Beshe Hakkechi Nuggishoo Doono Yeero! Ooge ne giidoon yechaꞌa ne taatetoyich neen galletehone.

Yaaꞌoo 14:3

Taatee qeechi aafoochaa, kashechi awudde halleenaꞌonaa geeneenaꞌonochi aafoochaanoo andire shoddoon shoddeheete. Hini showooch beeti asheenaꞌo daggoochee Yeeri biishee wodiiti ebi balli aabbaa awudde hume asheenaꞌoyee beshetaa, koniyoona hini shoddoon doyiꞌi shoddoon hakkaanoone.

Yaaꞌoo 14:8

Aree hillooch bare guttinnee maraakoo dabbiꞌi, “Aageteenaꞌo bulli mashiibeeti bi shunee mami woyinee uyoon uchemmoyich tuniiti ooge katemee Baablooni dihitiyoche; dihitiyoche!” iꞌi cookiye.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.