Yaaꞌoo 14:8 - Kafa Linguistics Project

⁸ Aree hillooch bare guttinnee maraakoo dabbiꞌi, “Aageteenaꞌo bulli mashiibeeti bi shunee mami woyinee uyoon uchemmoyich tuniiti ooge katemee Baablooni dihitiyoche; dihitiyoche!” iꞌi cookiye.

Yaaꞌoo 14:8 ပူးပေါင်းရင်းမြစ်များ

Isiyaasi 13:1

Amootsi bushoo Isiyaasi Doono Yeer waanee beeggiꞌi Baabloonichon bi gettiti wocho ebine:

Isiyaasi 21:9

Ebiyoche, gutti gutteꞌi gaarinaꞌon gasheebeeti hareshechinaꞌo waa beetinaꞌone” iye; biyoo wochiꞌi, “Baablooni dihitane; dihitane. Bi shahalleenaꞌo bulliyoo tiishee buriceꞌi showooch dihiteete” iye.

Erimiyaasi 50:1

Kalideenaꞌocho tuneti Baabloonee showeechon keemechi Erimiyaasich Doono Yeeri gettiti qaaro ebine:

Erimiyaasi 51:64

‘Doono Yeeri deebemmi gonde mooyoochee tiyitona, ebiyoommon Baablooni dech duukkemmone; tiyaachemmone’ gete” iye. Erimiyaasi gettiti qaaro ebi wottoone.

Daaneeli 4:30

ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Naahoomi 3:19

Ne mayo wodaachemmone; oogeti tiishoon tiisheto neene; ashi toommooch ne tuniiti kuxeyaani gonde mooyoochee, muriccito koniyoona aallo bi tunetoyich, ne aallee woroon waayemmo bulli, emiroona kishoon koppemmone.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

Yaaꞌoo 17:18

Ne beeggeti ure showee toommooch beeti taateenaꞌo bulli toommooch taataabeeti ooge katemeechi shaahiyeene” iye.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.