Yaaꞌoo 14:7 - Kafa Linguistics Project

⁷ Biyoo oogeti qaaroona “Yeeri nallemmi aabo shaggitone; ebich Yeerin shatote; biich oogoon imbote; shimaayoonaa showoonon, baharoonoo, aachi xuupheenaꞌonoo hallitoyich goyinnebote” iye.

Yaaꞌoo 14:7 ပူးပေါင်းရင်းမြစ်များ

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Shoddo 115:15

Showoonaa shimaayoonon halliti, Doono Yeeri ittoshin diiribe.

Shoddo 124:8

Noon gaacheebeeto showoonaa shimaayoonon halliti Doono Yeerine.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Shoddo 36:1

Axaaxecho gonde mooyon bi mulloona gabiye; Yeerin shato bi aafooch aalloone.

Shoddo 89:7

Shimaajji iitee daggoochaa Yeeri shattiitone; bi guudoona beetinaꞌo bulliyee beshoon oogoonaa shattiitonane.

Shoddo 95:5

Bi hallitoyich baharo biichone; shuuꞌi showoonoo hallito bi kishoone.

Keyo 20:11

Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.

Isiyaasi 40:3

Awaajjoon gettii beetochi qaaro ishichiye: “Barahooch, Doono Yeerich gommon qanniibote; no Nuggishoyich woretoonoo kaachi qaxxebote.

Isiyaasi 40:6

Ikke qaaro “Cookibe” iye; tawoo “Ama getiree cookibote?” iyo; biyoo “Meeno taheti asho bulli mocoommone; bi malleto bulliyoo gaddeexi mocee bungoommone;

Isiyaasi 40:9

Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 42:12

Doono Yeerinoo oogiibeete; bi galletoonoo baharee gashoonaa buure showoonoochaa awaajjibeete.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Hiziqeeli 7:2

“Hini ashi bushoocho, Nuggishoo Doono Yeeri Israꞌeelee showeechon ishichii beetone: Ciireexi aallo showee toommooch awudde tuggoona shaggitone.

Hiziqeeli 7:6

Ciiro waatone! Ciiro shaggitone! Ittoshi toommooch tiyitone; ebiyoche waatone!

Daaneeli 8:19

Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye.

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Maatiyoosi 25:13

“Illa Ashi Bushoo woyemmi aaboonaa saatoonon ariyaano ittoshine; ebich qanniree quyebote” iye.

Luqaasi 17:18

Hini ashi showee ashoyee damba Yeerin galleteya wotteto aallehe?” iye.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 11:18

Aageteenaꞌoo oogichii kaareheete; tunebaani ne kaaroo kindiye; qititinaꞌo toommooch ne nallemmi yemeeno shaggitone; neech maddeebeeti ne keemechinaꞌonaa ne shigoon oogiibeeti yaafeenaꞌonoyich, gishiisheenaꞌonaa ogoogeenaꞌonoyich, boonoshi shuunee gatiyoon ne qoccemmi, showoon aalliyechinaꞌon ne aalliyemmi, yemeeno shaggitone” iyeete.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 16:9

Asheenaꞌo oogeti gaamoona micciyeete; asheenaꞌoo ebi naxeenaꞌo toommooch hakkoo biich beeti Yeerichi shigoon naaggiyeete; oogee yiirecho bi tunetoyich biin galleteya axaaxee gommoochee bi waan wotteyaaneenaꞌone.

Yaaꞌoo 18:10

Bi xuuxoon beegi shatiree wohooch neexeechi, ‘Hini ooge giidechi katemee Baabloone! Diqqoona Yeerichi nalloo ne toommooch shaggitoche! Neech woowo!’ getibee cookemminaꞌone.

Yaaꞌoo 18:19

Buttoon boonoshi shimbooch shahiree eefi muushenebee ishichi cookemminaꞌone: ‘Giixoyich baharoon markaboona kimmii beetinaꞌo bullin bi gaannoona gaanniiti hini ooge katemeech woowo! Diqqoona bekkech aallehane!’ geti cookemminaꞌone” iye.

Yaaꞌoo 19:5

Aree hillooch taatee qeenoochee qaaro kechiꞌi, “Bi guuninaꞌo ittoshi bulli, biich shattiibeeti gishiisheenaꞌonaa ogoogeenaꞌonote! No Nuggishoon galletebote!” iye.

Yaaꞌoo 4:9

Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,

Yaaꞌoo 8:10

Keejjinnee maraakoo tiroon huggiye; qaaqqee conjoochoommon micciibeeti ooge xojjeno shimaayoochee kindiꞌi aacinaꞌochi keejje beereexi ikke beeroonaa aachi xuupheenaꞌonochi toommooch holliye.

1 Saameeli 6:5

Gaabee misileenaꞌon, ittoshi showoon aalliibeeti iicceenaꞌochi misileenaꞌonoo shuuneree Israꞌeelee Nuggishoyich oogoon imbote. Ebin ittoshi tuniigaata, diqqich ittoshin, ittoshi nuggisheenaꞌonaa ittoshi showoonon naxoon qajjemmo tunemmone.