Yaaꞌoo 14:6 - Kafa Linguistics Project

⁶ Ebiyee gubb, showee toommooch beetinaꞌoyich, aagetoo bullich, ashi yoodo bullich, baribare noonoona yibbaateebeeti asheenaꞌo bullich, ashi yaroo bullich bi gettemmi, bulli yemeenooch beddaahaa tunemmi mishiraachee qaaroon yechiti bare maraakoo shimaayoona yoobbii bi beetaa beeggeho.

Yaaꞌoo 14:6 ပူးပေါင်းရင်းမြစ်များ

Halloo 1:6

Ebiyee gubb, Yeeri “Aacinaꞌo gutte daggooch gumoo tunebe; hini are gumoo aaconaa aaconon qoodibe” iye.

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

Shoddo 119:142

Ne cadiqittino bulli yemeeneechone; ne sheeroo iberoone.

Shoddo 139:24

Ta maacooch gondo beegaata beege; bulli aabee gommona taan yaabibe.

Shoddo 145:13

Ne taatittino bulli aabee taatittinoone; bushaa bushooch beddaahaa hajjemmo neene. Doono Yeeri bi qaaro bullina gibeneetone; bi shuunoo bullina shoodechone.

Isiyaasi 40:8

Mocoo shoolliye; mocee bungoo oojjiye; tunebaani no Nuggishoochi qaaro bulli yemeenoon manjiree beeyemmone” iye.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Isiyaasi 51:8

Tahoochoommon pilo boonoshin maayemmone; bagee eexochoommon hipperoo boonoshin maayemmone; tunebaani ta cadiqoo bulli yemeenooch beeyemmone; ta wodiyoo bulli shiijjerooch beeyemmone” iye.

Isiyaasi 6:2

Surafeeleenaꞌoo biyee tookk neexetinaꞌone; boonoshi ikkikkoyich shiritti shiritte qoshoo beetone. Gutte qoshoona boonoshi aafoon qerii beeheete; gutte qoshoona boonoshi baatoon qerii beeheete; gutte qoshoonoo yoobbii beeheete.

Hiziqeeli 1:14

Kashechi halleenaꞌo xeeyo xeeyoommon okk hach xeejjiyeete.

Daaneeli 4:1

Ebiyee gubb, taatoo Nabukadinatsori showee toommo bulliich beeti, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bullich wochoon daachiihe. Diggoo ittoshich tunebe!

Daaneeli 9:21

corootii ta beetaa, yaaꞌoona shiichaꞌa ta beeggeti, Gabreeli, womikkee deejjoo giddeebeeti saatooch afaafinee yoobbiibee ta waan waahe.

Maatiyoosi 10:27

Qeroochaa ta gettaa beeton bullich xalla kichiree getote; shaashikkoona ittoshi waayeton asheenaꞌo bullich cookiree getote.

Maariqoosi 16:15

Daakkiꞌi ishichiye: “Showee toommo bulliich hambote; ta mishiraachoon halleeto bullich getote.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

1 Pheexiroosi 1:25

Tunetaa Doono Yeerichi qaaro bulli yemeenoon beetone.” Ittoshichoo mishiraachee qaaroochaa getteeti wocho ebine.

Yaaꞌoo 10:11

Ebiyee gubb, “Meeti ashi yareenaꞌochon, aageteenaꞌochon, baribare noonoona yibbaateebeeti asheenaꞌochonaa taateenaꞌochonon wochinnoon keemoon keemmemmo neene” getteeho.

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.

Yaaꞌoo 13:7

Yaafeenaꞌona bi koyemmoyich, koyeshoo bi wochemmoyich biich daaggeehe; ashi yoodoonaa ashi yaroona, baribare noonoon yibbaateebeeti asheenaꞌonaa aageteenaꞌo bullinochi toommooch hakkoo biich ichehe.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

Yaaꞌoo 8:13

Aroyee gubb ikke booyo shimaayee daggoona yoobbii bi beetaa beeggeho. Oogeti qaaroona “Bare keejje maraakeenaꞌo tiroon huggemminaꞌo boonoshi tunetoyich, showee toommooch beeti asheenaꞌoyich woowo, woowo, woowo!” bi ii beetaa waayeho.