Yaaꞌoo 14:4 - Kafa Linguistics Project

⁴ Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.

Yaaꞌoo 14:4 ပူးပေါင်းရင်းမြစ်များ

Shoddo 45:14

Shashechi bi tahoona taatoo waan woyemmine; gidiide bi nuucheenaꞌoo biin deennemminaꞌone.

Shoddo 74:2

Wonna ne kaacceti ne iiteenaꞌon, ne biisheti ne iristee yoodee asheenaꞌon, ne beeyi xaaꞌoo ne tuniiti Tsiyooninoo, gabibe.

Solomooni 1:3

Ne huutaabeeti shitto cinnechone; ne shigo ufeebeeti shittoommone; ebich gidiideenaꞌo neen shunniyeete.

Solomooni 6:8

Shiche gennee abeetinaꞌo, shinne naamacheenaꞌo, haddoyee beshiti gidiideenaꞌoo beetaana,

Erimiyaasi 2:3

Israꞌeeli, Doono Yeeri taach baritine; qaabbe maayi cilloommine; aroon maato bulli xuꞌechon tunee beehe; ebich gonde mooyo bi toommooch waa beehe’ iye Doono Yeeri.”

Amootsi 6:1

Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo!

Maatiyoosi 19:12

Bi indee maacoochee guruusho tuneꞌi shiijjeto beetone; ashoona nasheeto beetone; shimaajji taatittineyicha iꞌi shaagon qajjitinaꞌo beetinaꞌone. Ebich ebiyoommon tunoon hakkimmoyich tunebe” iye.

Maatiyoosi 25:1

Daakkiꞌi Yesuusi ishichiye: “Ashi Bushoo woyemmi aabooba shimaajji taatittine ebin shaahemmine: Aashire gidiideenaꞌo boonoshi ceechoon ceechiꞌi woꞌee kenoon giijjiya kechiyeete.

Maatiyoosi 8:19

Aree hillooch ikke Muusichi Sheeree dojjecho waaꞌi, “Dojjechocho, ne hammemmo bulliich neen dabbemmo taane” iye.

Yowannisi 10:27

Ta bageenaꞌo ta qaaroon waayee beetinaꞌone; tawoo boonoshin ariibeeto taane; boonoshiyoo taan dabbii beetinaꞌone.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 13:37

Pheexiroosiyoo “Ta Doonocho, and neen dabboon amoyich hakkaachote? Neecha getiree qitoyich qannito taane” iye.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

1 Qorontoosi 16:15

Ta maneenaꞌote! Isxifanoosinaa bi kechi asheenaꞌona Akaayee showoochee Kiristoosi toommooch mullee tooꞌiyoona qaabbeenaꞌo boonoshi tunoon, wotta kittinneenaꞌon gaacheya boonoshi qelloon beshiiꞌi immitinaꞌo boonoshi tunoon ariibeeto ittoshine.

1 Qorontoosi 7:28

Tunebaani shaago neech axaaxoo toonoone; gidiidechoo shaakkeyoo axaaxoo toonoone; tunetaa shaaggii beetinaꞌo toommooch hini yemeeneexi mooyo iritoon deebemmone; ta qaataabeeto ebi iritooch ittoshi giyaachemmoyich bayoyichiye.

2 Qorontoosi 11:2

Yeeri ittoshin bi qanaatee beetoommon, ebiyoommon ta wotta ittoshin qanaataabeeto taane. Ebiyoo shaakkeyaani gidiidechoommon ikke anaamoyich ittoshin ta immetoyichiye; aroo Kiristoosine.

Efesooni 1:14

Ebi Yaafe Ayaano Yeeri biicho tunetinaꞌo bullin bi biishemmi wottoon bi asheenaꞌoyich imma bi gibenikkiti iristoyich yechiyoone; ebiyoo Yeeri bi oogee yiiroyich bi galleteyemmoyichiye.

Efesooni 5:27

Bi yaafitoo, kiinechi woyee qillifa gonde woyee ebin shaahe gonde mooyo bi waan daneyaani, yaafoonaa bachaalloona tuneti oogee yiirechi kittinnee guuphon tuniiꞌi bi waan giddiyoyichiye.

1 Ximootiyoosi 4:3

Eboshiyoo shaageyoon, wotta maayoochee ikkikkeenaꞌon mamon, bajjii beetinaꞌone; tunebaani boonoshi mulloon Kiristoosi toommooch tooꞌiiꞌi iberoon ariitinaꞌo Yeerin galleteechi boonoshi maayemmoyich, Yeeri are maayeenaꞌon hallitone.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 21:22

Beshe Hakkechi Nuggishoo Doono Yeerinaa Bagoona hini are katemeechi yaafee kexo boonoshi tunetoyich, arooch yaafee kexon beegaano taane.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.

Yaaꞌoo 3:4

“Tunebaani boonoshi tahoon kiiniyaani giisheche asheenaꞌo Saridees neenna tookkii beetinaꞌone; boonoshiyoo bedditinaꞌo tuneꞌi boonoshi danetoyich nacce tahoon taheree taanna tookki shaꞌemminaꞌone.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;