Yaaꞌoo 14:2 - Kafa Linguistics Project

² Shimaayoochee ooge aachi haanaatee qaaroommi qaaroonaa giidechi xeeyee qaaroommi qaaroonon waayeho; ximboon yexxechinaꞌo ooge ximboon boonoshi yexaa qaaddiibeeti qaaroommi qaaroon waayeho.

Yaaꞌoo 14:2 ပူးပေါင်းရင်းမြစ်များ

2 Saameeli 6:5

Daawitinaa Israꞌeeleenaꞌo bullina boonoshi giidoon qoophaanoon, Doono Yeerin oogiyoyich, giishi ximboon, ooge ximboon, kamboon, bare duubbi qiicoonaa qaaxilloonon yexxii kaachiibee, shoddee beeheete.

2 Kiinoo 20:28

Ooge ximboona, giishi ximboona, tiroona Yerusaalem beeti, Doono Yeerichi yaafee kexooch qaxiriyeete.

Shoddo 147:7

Doono Yeerich galletee shoddoon shoddebote; no Nuggishoyich ooge ximboon yexote.

Shoddo 149:3

Duuttoona bi shigoon galletebeete; kamboonaa ooge ximboona biin galletebeete.

Shoddo 33:2

Doono Yeerin masinqoona galletebote; aashire qiinechi ooge ximboona biich shoddebote.

Shoddo 43:4

Aroochee Yeerichi deejjee gudooch, taan oogichiꞌi emirikkiti Yeer waan, hammemmo taane. Yeeri ta Nuggishoocho, ooge ximboona neen galletemmo taane.

Shoddo 57:8

Ta kasheene, tibe! Ooge ta ximboonaa masinqoonote; tibote! Tawoo yaaꞌoona tiyemmo taane.

Shoddo 92:3

Aashire maqqechi ooge ximboonaa masinqee qaaroona neen galleto gaawetone.

Shoddo 93:4

Meeti aacinaꞌochi qaaroyee beshoon, baharee goohoyee beshoon, damba beeti Doono Yeeri hakkechone.

Shoddo 98:5

Ooge ximboona, ooge ximbee qaaroona Doono Yeerich galletee shoddoon shoddebote.

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Keyo 20:18

Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete.

Isiyaasi 17:13

Aageteenaꞌo meeti aacochoommon goohiyeete; tunebaani Yeeri boonoshin kaaretaa, guudi toommoochaa yongo shacciibeeti maaxxoochoommon, yubee yongo tiijjiibeeti quttoochoommon tiyi aallemminaꞌone.

Hiziqeeli 43:2

Aroochee Israꞌeelee Nuggishoo Yeerichi oogee yiiroo aabi-keyo waanee waahe; bi qaaro ooge aacochoommon buugii beehe; bi oogee yiiroochee tiyitona showoo aaxxee bekkehe.

Zakaariyaasi 9:14

Doono Yeeri boonoshi toommoochaa bekkemmone; bi shangoo xeeyoochoommon awureyemmone. Nuggishoo Doono Yeeri tiree qaaroon waayiyemmone; deshi-waani yubee yongoona hammemmone.

1 Qorontoosi 13:1

Asheenaꞌonaa maraakeenaꞌonochi nooneenaꞌona ta yibbaatetaa, shuno taach aallegaata, shuurikkimmona qaaddiibeeti gooshoommo woyee qaaxilloommo taane getone.

Yaaꞌoo 1:10

Doonochi aabooba Yeerichi Ayaanee giidoo ta toommooch tunehe. Ta gubbaa tiree qaaroommi ooge qaaroon waayeho.

Yaaꞌoo 1:15

bi baatoo qaaqqoona wociitaa shuuneeti, phaqqiibeeti gooshoommone; bi qaaroo ooge aachi haanaatee qaaroommone.

Yaaꞌoo 11:12

Arooba hini are keemechinaꞌo “Hach keyote” immi ooge qaaroon shimaayoochee waayeheete; boonoshi shixechinaꞌo ciinnii beetaa, quboona shimaajj kechiyeete.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 15:2

Arooba qaaqqoona bacceeti burciqee baharoon shaahii beeton beeggeho; wotta cooxonaa ebi are cooxon shaahiitaa shuuneetonon, bi shigee haddoonoo kochii wochitinaꞌo Yeer waanee boonoshi deqqiti ooge ximboon yechiꞌi burciqee baharee toommooch boonoshi neexee beetaa beeggeho.

Yaaꞌoo 18:22

Ximboon yexxechinaꞌonaa shoddee qiicee ariyechinaꞌonochi qaaro, shametoonaa tiroonochi huggi qaaro, ebiyee bekk ciroona ne waanee waayeyaachemmone; kishee shuunee ariyecho ebiyee bekk ciroona ne waanee daneyaachemmone; maayoon yiikkeebeeti yiikke xaqqee qaaro ebiyee bekk ciroona ne waanee waayeyaachemmone.

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,

Yaaꞌoo 6:1

Bago shabaatte maatemoochee ikkinnoon bi gaxxaa beeggeho; kashechi awudde halleenaꞌo daggoochee ikkoo xeeyee qaaroommi qaaroona “Wobe!” bi getaa waayeho.

Yaaꞌoo 8:7

Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.