Yaaꞌoo 14:13 - Kafa Linguistics Project

¹³ Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.

Yaaꞌoo 14:13 ပူးပေါင်းရင်းမြစ်များ

Shoddo 19:11

Ne guuno aroona guyeehe; boonoshin bi quyoonoo oogichii gaachehe.

Shoddo 85:13

Cadiqittino Doono Yeeriyee aaf shiichemmone; bi baatoyich gommon qanniyemmone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Daaneeli 12:13

“Daaneelo, ne, ciirooch beddaahaa diggoona hambe; aroochee kashemmo neene. Yemeenee ciirooba qitii ne duukketoochee keyiree, ne qoodoon danemmo neene” iye.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

Luqaasi 16:9

Ta ittoshich gettoye: Hini showeexi gaanno ciyigaata, bulli yemeenoon ittoshi beeyemmi gamini Yeerichi kexooch ittoshi giyiyooba arooch beetinaꞌo emiremmoyich, are ittoshi gaannoona deꞌe shuunoon shuuneree ashoona tookki xibebote.

1 Qorontoosi 15:18

Ishigaata, boonoshi mulloon Kiristoosi toommooch tooꞌiichii qititinaꞌo aalletinaꞌone getone.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

2 Qorontoosi 5:8

Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

1 Tasaloonqi 4:14

Yesuusi qitoonaa qitoochee bi timonon iberiito noone; ebiyoommon wotta boonoshi mulloon Kiristoosi toommooch tooꞌiichii qititinaꞌon Yeeri Yesuusina tookki bi waan daammemmo bi tunoon iberiibeeto noone.

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

1 Tasaloonqi 5:10

Kashoona no beetaa woyee no qititaa, biinna tookki kashoona no beeyemmoyich Kiristoosi noocha iꞌi qitiye.

1 Ximootiyoosi 5:24

Ikkikke asheenaꞌochi axaaxoo xallooch bekkee beetone; nalloo boonoshi toommooch kindemmo tunoon shiichiꞌi arichii beetone; tunebaani bareenaꞌochi axaaxoo bi aricheebeeto yagiꞌiniye.

1 Ximootiyoosi 5:25

Ebiyoommon ikkikke asheenaꞌochi gaawe shuunoo wotta xallooch bekkee beetone; xallooch bekkeyaano bi tunetaanoona, aachaa echeyaachemmone.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 10:4

Shabaatte xeeyo xeejjimmona, ta waayeti mooyon kooriya iyo; tunebaani shimaayoochee “Shabaatte xeeyo xeeyaa getteeti mooyon maatemoona hicalli kooriyaahine” immi qaaroon waayeho.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 16:17

Shabaattinnee maraakoo bi yechiti xoofoon yongee toommooch ukkiye; yaafee kechi maac beeti taatee qeenoochaa “Mooyo bulli ceennite” immi ooge qaaro waayeehe.

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 20:6

Qitoochee shiichiree tiyemminaꞌo diireetinaꞌonaa yaafeenaꞌonane; guttinnee qitoo boonoshi toommooch giidoon daneyaachemmone. Boonoshiyoo Yeerinaa Kiristoosinochi qeesheenaꞌo tunemminaꞌone; Kiristoosina tookkiree hini hume naton taatemminaꞌone.

Yaaꞌoo 21:5

Taatee qeenooch koteti Yeeri “Ebiyoche, bulli mooyon andiriyemmo taane” iye. Daakkiꞌinoo taach “Ebi qaaro gibeneetonaa iberoona bi tunetoyich kooribe” iye.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Yaaꞌoo 6:11

Boonoshi ikkikkoyich nacce taho ichehe. “Ittoshina tookkii Kiristoosich maddeti ittoshi maneenaꞌo ittoshichoommon wotta wuxaa boonoshi haddoo ceennimmi wottoon, giisheche yemeenoon kashebote” getteeheete.