Yaaꞌoo 14:10 - Kafa Linguistics Project

¹⁰ asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 14:10 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Iyoobi 18:15

Asho koniyoona bi kexooch giyiree kotemmone; waageroo bi kechi daggooch shacceyemmone.

Iyoobi 21:20

Boonoshi aalloon, boonoshi hajjee aafoona beegeete; Beshe Hakkechi Yeeri naxoona boonoshin yexe.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 52:6

Cadiqeenaꞌo ebin beegiree shattemminaꞌone; miicibeeshoo ishichemminaꞌone:

Shoddo 60:3

Ne, asheenaꞌon xuuxo bekkiitine; dadeddiibeeti woyinee uyoon no uchemmoyich immetine.

Shoddo 73:10

Ebich, Yeerichi asheenaꞌolla boonoshi waan wotteheete; boonoshi yibbaatoo bullin iberiiheete.

Shoddo 75:8

Doono Yeerichi kishooch xoofoo beetone; biyoo umbeebeeti bi kaaree kashi woyinee uyoon arooch ceechiye. Ebinoo bi woniitaa, showee toommeexi gondeenaꞌo bulli uchiyeete; cingoonolla echiyaanoon cangeheete.

Shoddo 91:8

Ne aafoona baach beeggemmo neene; gondeenaꞌo naxeyoon beeggemmo neene.

Isiyaasi 29:9

Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 34:9

Edoomee showeexi aacinaꞌo reenjoon tunemminaꞌone; showoo waagera shaddeyemmone; showoo bulliichoo qaaqqoo aaxxemmone.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Erimiyaasi 25:27

“Aroochee boonoshich ishichibe: ‘Israꞌeelee Nuggishoo Beshe Mawe Doono Yeeri ishichiye: Ittoshi daggooch ta deejjemmi goraadee naboona, uyote; mashebote; cooyote; ebiyee bekk tiyaachemmon tuneree dihibote’ gete.

Erimiyaasi 49:12

Ebich Doono Yeeri ishichiye: “Xuuxee xoofoon uch bedaani asheenaꞌo giidoona uchemminaꞌo boonoshi tunegaata, ittoshi uyaanoon ittoshi echemmo aabichireeshiye? Uyishalli ittoshi gettemmo naxoochee echeyaachemmo ittoshine.

Erimiyaasi 51:57

“Bi woraaferasheenaꞌonaa ariyechi bi asheenaꞌonon, bi ukkireenaꞌonaa bi iraasheenaꞌonon, bi ginee iraasheenaꞌonoo mashiyemmo taane; bulli aabee tokketoon tokketemminaꞌone; ciroonoo tiyaachemminaꞌone” iye bi shigo Beshe Mawe Doono Yeeri getteebeeti Taatoo.

Shoosho 4:21

Uutsi showooch beeti Edoomi asheenaꞌote, emiribote; emiroonoo wucwucote! Tunebaani ittoshichoo xoofoo shaggemmone; mashemmo ittoshine; shokkaachoonoo echemmo ittoshine.

Hiziqeeli 20:48

Ebina ebi kubboon michito Doono Yeeri ta tunoon meeno taheto bulli beeggemmone; ebi qaaqqoo tahaachemmone’ gete” iye.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Imbaaqoomi 2:16

Ittoshiyoo oogoochee kindiree giishemmo ittoshine; uyi ittoshi mashetaa, ittoshi achoo bekkemmone. Doono Yeeri bi qanne kishooch beeti naxee xoofoon ittoshich bi deejjaa uchemmo ittoshine. Ittoshi oogo giishemmone.

Maatiyoosi 20:22

Tunetaa Yesuusi wochiꞌi, “Ittoshi qollemmon ariyaachote. Ta uchemmi xuuxee xoofoochee uyon hakkehote?” iye. Boonoshiyoo wochiꞌi, “Eeha hakkemmo noone” iyeete.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Mishiraachechinaꞌo 10:22

Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 15:7

Kashechi awudde halleenaꞌo daggoochee ikkoo bulli yemeenoon beeyechi Yeerichi kaaree shiixxoo ceenniti shabaatte aachee xoofeenaꞌon shabaatte maraakeenaꞌoyich immiye.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

Yaaꞌoo 18:3

Aageteenaꞌo bulli mashiibeeti bi shunee mami woyinee uyoon uchitinaꞌone; showeexi taateenaꞌo biinna tookkii shunoon maatinaꞌone; showeexi giixechinaꞌo mashaamiti bi beemoochee tiyitona gaanneheete” iye.

Yaaꞌoo 18:6

Bareenaꞌo toommooch gondoon bi shuunetoommon, bi toommooch aroommon gaacote. Bi tuniiti gutte kishoon tuniiree minjibote. Bareenaꞌo uchemmoyich bi qanniiti shayi uyee xoofooch bi shachemmoyich, gutte kishoon wuurii bacciree biich uchibote.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 20:14

Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.