Yaaꞌoo 14:1 - Kafa Linguistics Project

¹ Aroochee ciinneho; ebiyoche Bago Tsiyooni guudooch neexeꞌi beete; bi shigoonaa bi Nihoochi shigoona boonoshi barooch kooreeti balli aabbaa awudde hume asheenaꞌo biinna tookkii beetinaꞌone.

Yaaꞌoo 14:1 ပူးပေါင်းရင်းမြစ်များ

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Isiyaasi 49:14

Tunebaani Tsiyooni asheenaꞌo, “Doono Yeeri noon duppitone; no Doono noon battetone” iyeete.

Erimiyaasi 1:11

Doono Yeeri, “Erimiyaaso, amooniye ne ciinnaabeeto?” iye. Tawoo “Luuzee gumbooniye ta ciinnaabeeto” iyo.

Hiziqeeli 1:4

Ciinnaa ta iyaa, ebiyoche dambi-waanee yubee yongo waa beete; ooge quboochee phaqqoo phaqqiye; bi guudoona beeti shimaayoo aaxxehe; bi gutte daggoochaa gooshoommi mooyo waccii aaxxehe.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Hiziqeeli 10:9

Tawoo ciinnaꞌa arooch ikkikke kiruubee gaꞌooch ikkiikkoo tuneꞌi beeti awudde gengoon beeggeho; gengeenaꞌochi malleto wacciibeeti kirisilooboommone.

Hiziqeeli 2:9

Tawoo qoddeti macaafoon yechiti kishoo ta waan yaggeeton beeggeho.

Hiziqeeli 44:4

Uro dambi-waani gommona yaafee kechi kellee aafooch taan deebiye; ciinnaa ta iyaa, ebiyoche, Doono Yeerichi oogee yiiroo yaafee kexooch ceennitone; tawoo baroona showooch guufeho.

Hiziqeeli 8:7

Biyoo addibaabee kellooch taan deebiye; ciinnaa ta iyaa, ebiyoche xaqqee uxerooch aaho beete.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Daaneeli 12:5

Areegaata ta, Daaneeli, bare gutteenaꞌo, ikkoo aachee hach, wotta ikkoo aachee beqach tuneꞌi, aachi gashooch neexee beetinaꞌon ciinneho.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Amootsi 8:2

Biyoo taan “Amootso, ebi ne ciinnaabeeti mooyo amoone?” iꞌi echehe. Tawoo “Mokkee ceeni, manjeebeeti gaangiti michi aafoone” iyo. Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Zakaariyaasi 4:2

Aroocheenoo taan “Amooniye ne ciinnaabeeto?” iye. Tawoo “Bi hullimallo aachoo tuneti maqirajjooniye ta ciinnaabeeto; zayitee qullo bi toommooch beetone; shabaatte ceecheenaꞌoo biich beetinaꞌone; ceecheenaꞌo boonoshi ikkikkoyich woshiqoo giyemmi shabaatte aaheenaꞌo beetinaꞌone.

Luqaasi 12:8

“Ittoshich gettoye: Ashi aafoochaa taacho bi tunoon miixeebeeto bullich, Ashi Bushoo wotta Yeerichi maraakeenaꞌo aafoochaa taachone getiree miixemmone.

Yaaꞌoo 14:14

Aroochee beeggeho; ebiyoche nacce qubo beete; qubee toommoochoo ashi bushoon shaahiibeeto kotetone; bi qellooch aachee gubbichoon uketone; bi kishoonoo aci magaadoon yechitone.

Yaaꞌoo 14:3

Taatee qeechi aafoochaa, kashechi awudde halleenaꞌonaa geeneenaꞌonochi aafoochaanoo andire shoddoon shoddeheete. Hini showooch beeti asheenaꞌo daggoochee Yeeri biishee wodiiti ebi balli aabbaa awudde hume asheenaꞌoyee beshetaa, koniyoona hini shoddoon doyiꞌi shoddoon hakkaanoone.

Yaaꞌoo 15:5

Aroyee gubb Yeerichi miixee duukkaanoo tuneti yaafee kexo shimaajjaa qechee beetaa beeggeho.

Yaaꞌoo 22:4

Bi aafoonoo beeggemminaꞌone; bi shigoo boonoshi barooch tunemmone.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.