Yaaꞌoo 13:5 - Kafa Linguistics Project

⁵ Geecee mooyonaa naagee qaaroonon bi gettemmi noonoo cooxoyich ichehe; aabbaa gutte agenoon hakkecho tuneree bi shuunemmoyich biich daaggeehe.

Yaaꞌoo 13:5 ပူးပေါင်းရင်းမြစ်များ

Shoddo 12:3

Maanjoona yibbaateebeeti noonoonaa yebeneebeeti heciyoonon Doono Yeeri kuxe.

Hiziqeeli 35:13

Ittoshi noonoona ta toommooch ittoshi coodon, ta toommooch woddii ittoshi yibbaatoon waayeto taane.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 12:12

Gibeneeton tuneꞌi, ikke humaa keejje ballaa shaashaa uuche qemo ciiremmi wottoon beemmo diireetone.

Daaneeli 7:11

Andoo ciinnaabee, ebi giishi qaro yibbaateebeeti geecee yibbaatoon waayeho. Ta ciinnaa beetaa, awuddinnee cooxo guureehe; bi meeshoo qaaqqooch duppeꞌi miccii aallehe.

Daaneeli 7:20

Wotta bi qellooch beeti aashire qareenaꞌochonaa gubb kaama dicciꞌi bi aafoochee keejje qareenaꞌo waaxemmoyich tuniiti qaroochonon ariyoyich qaawiyo. Ebi qaroyich ashi aafoommi aafoonaa geecoona yibbaateebeeti noonoona beetone; bareenaꞌoyee beshoonoo tuneꞌi bekketone.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Daaneeli 7:8

Ebi qareenaꞌon manjii ta ciinnaa beetaa, boonoshi daggoochee ikke giisheche qaro kaama diccii bi beetaa beeggeho. Shiichiꞌi beetinaꞌoochee keeminaꞌo bi aafoochee duchoona waaxeheete. Ebi qaroyich ashi aafoommi aafoonaa geecoona yibbaateebeeti noonoona beetone.

Daaneeli 8:14

Baroo ishichiꞌi wochii bi beetaa waayeho; “Gutte humaa keejje balle womikkoonaa maaddoonooch beddaahaa yagemmone. Aroochee yaafee kexo wochinnoon xallemmone” iye.

2 Tasaloonqi 2:3

Tunebaani asho koniyoona amee gommonolla ittoshin muriciyaaye; shiichiree meetinaꞌo Yeeri toommooch tiyiree hukkoon boonoshi shuunemmi wottoon, hukkechi uro, aalloyich kaacheti are uro, bekkemmi wottoon, ebi are aabo tuneyaachemmone.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

2 Tasaloonqi 2:8

Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.

Yaaꞌoo 12:14

Dareboo waanee wohiree keejje nattaa qaton barahooch shiimetaa bi beeyemmi xaaꞌooch yoobi bi hammemmi gutte ogooge booyee qoshoo ureyich ichehe.

Yaaꞌoo 12:6

Ureyoo ikke humaa gutte ballaa shiche qemon aroochaa boonoshi shiimemmoyich, Yeeri qanniiti xaaꞌoo barahooch aashaa hammahan.

Yaaꞌoo 13:7

Yaafeenaꞌona bi koyemmoyich, koyeshoo bi wochemmoyich biich daaggeehe; ashi yoodoonaa ashi yaroona, baribare noonoon yibbaateebeeti asheenaꞌonaa aageteenaꞌo bullinochi toommooch hakkoo biich ichehe.