Yaaꞌoo 13:4 - Kafa Linguistics Project

⁴ Dareboo cooxoyich hakkoon bi immitoyich, asheenaꞌo dareboyich goyinneheete; cooxoyichoo wotta “Hini cooxona tatemmo aabine? Biinna koyoon hakkemmo, konine?” iibee biich goyinneheete.

Yaaꞌoo 13:4 ပူးပေါင်းရင်းမြစ်များ

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Isiyaasi 46:5

“Taan konina shaahiihote? Koninoo tachiyote? No shaaheyemmoyich konina taan toyiihote?

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Yibbaatoo 9:2

Asheenaꞌo boonoshi qelloona giidechinaꞌonaa neex genjeenaꞌonane. Eboshiyoo ne ariibeeti Anaaqeenaꞌo, wotta ‘Anaaqee yareenaꞌo aafooch neexoon hakkemmo, konine?’ getaa ne waayeti asheenaꞌone.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

Yaaꞌoo 12:3

Bare worganikkiti mooyo shimaayooch bekkehe; shabaatte qelloonaa aashire qaroona, bi qellee haddoonoo shabaatte gubbichoo beeti ooge ceelle dareboo beehe.

Yaaꞌoo 12:4

Bi ceeroona shimaajji xojjeneenaꞌo daggoochee keejje beereexi ikke beeroon geechii showooch kindiihe. Hini are dareboo ure bi shiyigaata shiijjemmi bushoon maaya iꞌi bi aafooch neexehe.

Yaaꞌoo 13:11

Aroyee gubb bare cooxo showoochee bi kechii beetaa beeggeho. Bagee qaroommi gutte qarechone; dareboochoommonoo yibbaatee beetone.

Yaaꞌoo 13:15

Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.

Yaaꞌoo 13:2

Ebi ta beeggeti cooxo maahoon shaahoone; bi baatoo diibee baatoommo, bi kookkoo daaheree kookkoommone; dareboo bi giidoonaa bi taatee qeenonon, ooge hakkoonoo biich immiye.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 18:18

bi micaa kechiibeeti cufoon beegiree, ‘Hini katemeen shaahe ooge katemoo cir aalloone’ geti cookemminaꞌone.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;

1 Saameeli 17:24

Israꞌeeleenaꞌo uroon boonoshi beeggiyooba, bulliyona oogeton shattiꞌi woceheete.