Yaaꞌoo 13:2 - Kafa Linguistics Project

² Ebi ta beeggeti cooxo maahoon shaahoone; bi baatoo diibee baatoommo, bi kookkoo daaheree kookkoommone; dareboo bi giidoonaa bi taatee qeenonon, ooge hakkoonoo biich immiye.

Yaaꞌoo 13:2 ပူးပေါင်းရင်းမြစ်များ

2 Taateenaꞌo 2:24

Elisayiyoo gubb wottee ciinniꞌi, boonoshin Doono Yeerichi shigoona uppiye. Aroochee gutte maache diibeenaꞌo kubboochee kechiꞌi, aabbaa gutte bushiisheenaꞌon tiichiyeete.

Shoddo 22:21

Daaheree kookkoochee taan wodiibe; gaahee qaroochee taan shiwebe.

Shaahiyoo 17:12

Tuushe ashoon bi tuushee kaamoona danoyee, bi bushoo bokketi diibeena dano gaawiye.

Shaahiyoo 28:15

Girechinaꞌon hajjiibeeti maaci manje ukkiroo, gigeebeeti daaheroommo, woyee capphi yecha ii beeti diiboommone.

Isiyaasi 5:29

Boonoshi qaaro daaheroochoommone; more daaheroochoommon ciddiyeete; boonoshi yechiton guruuxiibee daammiyeete; boonoshi kishoochee dihiyemmo aalloone.

Erimiyaasi 13:23

Iberoochaa Topphiyee asho bi malletoon, maahoo bi shashoon shaddoon hakkehe? Ebi tuno hakkeegaata, gondoon shuuno doyiti ittoshi, gaawe mooyon tuniyoon hakkemmo ittoshine.

Erimiyaasi 5:6

Boonoshi axaaxoo bi woddetoyich, Yeerinoo boonoshi qajjitoyich, daaheroo kubboochee keyiree boonoshin tiichemmone; barahee okeroo boonoshin kuutemmone; maahoo boonoshi katemooch ottemmone; aroochee kechiibeeto bullin yangixxemmone.

Hosee'i 11:10

“Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Amootsi 3:12

Doono Yeeri ishichiye: “Shamaara beeti Israꞌeeleenaꞌochi wodoo bi tunemmo, qiddoo daaheroochi kookkoochee bi bagoochi gutte baatee shaawushoon woyee waamon dichiiꞌi bi deeboommoniye. Boonoshi qeechi degoonaa teeqqonoyee besh boonoshich echemmi mooyo amolla daneyaachemmone.

Amootsi 5:19

Ebi aabooba, daaheroo kishoochee muriccii hammiꞌi diiboona daneti woyee muriccii kexooch giyiꞌi bi kishoon daabbooch bi kotiitee dingero kochiti ashoommon tunemmo ittoshine.

Imbaaqoomi 1:8

“Boonoshi haresheenaꞌo wocona maahoyee besheenaꞌone; shaaceti okeroyee beshoonoo shayinaꞌone. Hareshechinaꞌo guufeebee wohi showoochee waaheete; bi maayemmon yecha yoobbii kindiibeeti booyochoommon yoobbiyeete.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

Yaaꞌoo 12:13

Dareboo showee toommooch bi duppoon ariiꞌi, anaami bushoon shiyeti ureen yookkiye.

Yaaꞌoo 12:15

Dareboo ureen aacona maanjiya qaawiꞌi ooge woce aacoommi aacon bi kookkoochee ureechi hillooch kuufiye.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:12

Aafi cooxo immiti hakkoona bulli mooyon bi aafooch tunii beetone. Qitiya beddiichii mayee woditi aafi cooxoyich, showee toommooch beetinaꞌo bulli goyinnemmoyich tuniyemmone.

Yaaꞌoo 13:4

Dareboo cooxoyich hakkoon bi immitoyich, asheenaꞌo dareboyich goyinneheete; cooxoyichoo wotta “Hini cooxona tatemmo aabine? Biinna koyoon hakkemmo, konine?” iibee biich goyinneheete.

Yaaꞌoo 16:10

Uuchinnee maraakoo bi yechiti xoofoon cooxochi taatee qeechi toommooch ukkiye; ebi cooxochi taatittinee showoo manderehe; wotta asheenaꞌo oogeton boonoshi shooddetoyich boonoshi heciyoon shaaccii cokkeheete.

Yaaꞌoo 17:12

“Ne beeggeti aashire qaro batt taateyaani aashire taateenaꞌochi shaahiyoone; tunebaani cooxona tookki ikke saatoon boonoshi taatemmoyich taatittino boonoshich ichemmone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 20:2

Wonnee dingeroon, daabiloosi, Sheexaanoo getteeti dareboon yechiye; hume nati wottoon cuchiye.