Yaaꞌoo 13:15 - Kafa Linguistics Project

¹⁵ Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.

Yaaꞌoo 13:15 ပူးပေါင်းရင်းမြစ်များ

Halloo 2:7

Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.

Shoddo 115:5

Boonoshich noonoo beetone; tunebaani yibbaateyaacheete; aafo beetone; tunebaani ciinaacheete.

Erimiyaasi 10:14

Asho bulli mullaalloonaa tuushoonane; aachee ukkecho bulli bi shuuneti misilee naboona yeelletone; bi shuuneeti misilo kootoone; kasho biich aalloone.

Erimiyaasi 10:5

Boonoshi shahalleenaꞌo buqqee budooch beeti, kafoon keqqichiibeeti mooyoomminaꞌone; yibbaatoon hakkaaneenaꞌone; shaꞌoon hakkaaneenaꞌo boonoshi tunetoyich shaaggeeheete; gondoon tuneba deꞌoon tuniyoon hakkaaneenaꞌo boonoshi tunetoyich, boonoshin shattaahote” iye.

Erimiyaasi 51:17

Asho bulli mullaalloonaa tuushoonane; aachee ukkecho bulli bi shuuneti misilee naboona yeelletone; bi shuuneeti misilo kootoone; kasho biich aalloone.

Daaneeli 7:20

Wotta bi qellooch beeti aashire qareenaꞌochonaa gubb kaama dicciꞌi bi aafoochee keejje qareenaꞌo waaxemmoyich tuniiti qaroochonon ariyoyich qaawiyo. Ebi qaroyich ashi aafoommi aafoonaa geecoona yibbaateebeeti noonoona beetone; bareenaꞌoyee beshoonoo tuneꞌi bekketone.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Imbaaqoomi 2:19

Mixoochee shuuneeti mooyon tibe, miime xaqqoonoo kaamebe, ii beeti ittoshich woowo! Ebi aroo ittoshich yaaꞌoon bekkiyoon hakkehe? Bi achoo aachoonaa birewoona dikkeeto bi tunetaanoona, kashaalli mooyone.

Yaaqobi 2:26

Kashoyee bariti meeno qitito bi tunoommon, ebiyoommon wotta shuunee toommooch heeyaani mullee tooꞌiyoo qititone.

Yaaꞌoo 13:1

Arooba ikke cooxo baharee aacoochee bi kechii beetaa beeggeho. Aashire qaroonaa shabaatte qelloona biich beetone; ebi qareenaꞌo toommooch aashire gubbichoo beetone; ebi qello bi ikkikkooch Yeerin naaggiibeeti shigo kooreetone.

Yaaꞌoo 13:12

Aafi cooxo immiti hakkoona bulli mooyon bi aafooch tunii beetone. Qitiya beddiichii mayee woditi aafi cooxoyich, showee toommooch beetinaꞌo bulli goyinnemmoyich tuniyemmone.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 14:11

Aroochaa boonoshi shooddeebeeti qaaqqee cufoo bulli yemeenoon kuxaanoon kechemmone; cooxonaa cooxon shaahiitaa shuuneetonoyich goyinneti, bi shigee malletoon geddeeti asho koniyoona xumoonaa areddoonon shooddeyoochee kasheyaachemmone” iye.

Yaaꞌoo 14:9

Bare keejjinnee maraakoo wotta dabbiꞌi oogeti qaaroona ishichiye: “Cooxonaa cooxon shaahiitaa shuuneetonoyich goyinnemmi, bi barooch woyee bi kishooch ebi cooxochi malletoo geddeyemmi asho koniyoona bi beegaata,

Yaaꞌoo 16:2

Batti batti maraakoo hammiꞌi bi yechiti xoofoon showooch ukkiye; cooxochi malletoo boonoshich geddeti, biin shaahiitaa shuuneetoyich goyinneebeeti asheenaꞌochi achooch shachirii, biichiibeeti mayo tunehe.

Yaaꞌoo 16:5

Aacinaꞌon quyeebeeti maraakoo: “Aafoo beeti, andoo beeti Yaafoocho! Eechaꞌa ne nallitoyich cadiqo neene.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 17:17

Yeeri bi gaboon boonoshi tuniyemmoyich, bi gettiti mooyo ceennimmi wottoon ikke kashoon tuneree boonoshi taatittinoon cooxoyich boonoshi guudii immemmoyich, bi gabiti gaboon boonoshi mullooch kotiitone.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 18:24

Are Baablooni katemee daggoochoo keemechinaꞌonaa yaafeenaꞌonochi damoo, showoochaanoo guuraa qititi asheenaꞌo bullichi damoo danetone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.