Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaaꞌoo 13:1 - Kafa Linguistics Project

1 Arooba ikke cooxo baharee aacoochee bi kechii beetaa beeggeho. Aashire qaroonaa shabaatte qelloona biich beetone; ebi qareenaꞌo toommooch aashire gubbichoo beetone; ebi qello bi ikkikkooch Yeerin naaggiibeeti shigo kooreetone.

အခန်းကိုကြည့်ပါ။ ကော်ပီ




Yaaꞌoo 13:1
21 ပူးပေါင်းရင်းမြစ်များ  

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.


Bi baatoonaa yapheroona qati xuuroonaa qati nuuqqoona tuneton beeggeto neene. Ebi geto, ikkittino aalli taatittino tunemmone getone. Tunebaani xuuroonaa nuuqqoona bacceeton ne beeggetoommon, qatona xuuroochi manjoo biich beeyemmone.


Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.


Bare worganikkiti mooyo shimaayooch bekkehe; shabaatte qelloonaa aashire qaroona, bi qellee haddoonoo shabaatte gubbichoo beeti ooge ceelle dareboo beehe.


Aroyee gubb bare cooxo showoochee bi kechii beetaa beeggeho. Bagee qaroommi gutte qarechone; dareboochoommonoo yibbaatee beetone.


Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.


Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.


Arooba qaaqqoona bacceeti burciqee baharoon shaahii beeton beeggeho; wotta cooxonaa ebi are cooxon shaahiitaa shuuneetonon, bi shigee haddoonoo kochii wochitinaꞌo Yeer waanee boonoshi deqqiti ooge ximboon yechiꞌi burciqee baharee toommooch boonoshi neexee beetaa beeggeho.


Dareboochi kookkoonaa cooxochi kookkoonoochee, koote keemechochi kookkoocheenoo woqqeqqeenaꞌon shaahiibeeti keejje yinneenaꞌo kechii beetaa beeggeho.


Ne beeggeti aashire qaroonaa cooxona yahechi ureen shixxemminaꞌone; shokke kishoo biin tunii, shokkaachoon biin echiyemminaꞌone; bi meenonoo maayemminaꞌone; qaaqqoonoo biin michemminaꞌone.


Yeerichi Ayaanee giidoo ta toommooch tunetaa, are maraakoo barahooch taan daammiye; Yeerin naaggiibeeti shigoona ceenniti ceelle cooxon yebbaꞌa beeti ikke ureen beeggeho; ebi cooxo shabaatte qellechonaa aashire qarechonane.


Bi baroochoo aacheeti mooyon yechiti shigo: Ooge Katemee Baablooni, Yahechinaꞌonaa Showee Toommeexi Ciigeetinaꞌonochi Indee, getaa kooreetone.


Hareshoon yebbetonaa bi ginee naayinaꞌonon kocha cooxo, showee toommeexi taateenaꞌonaa boonoshi ginee naayinaꞌona kiceetinaꞌon beeggeho.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ