Yaaꞌoo 12:9 - Kafa Linguistics Project

⁹ Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 12:9 ပူးပေါင်းရင်းမြစ်များ

Halloo 3:1

Dingero Nuggishoo Doono Yeeri halliti cooxinaꞌo bulliyee beshe accechone. Ureyich “Iberoon Yeeri ‘Becheeti michi aafo bulliichee maayaahote’ itone?” iye.

Halloo 3:13

Nuggishoo Doono Yeeriyoo ureen “Ebi ne tuniiti mooyo, amoone?” iye. Ureyoo wochaꞌa, “Dingero taan dawusheenane ta maato” iyan.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

2 Kiinoo 18:21

“Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

Shoddo 109:6

Biin taggemmon bi toommooch tiijjibe; taggechoo bi qannooch neexebe.

Isiyaasi 14:12

“Haree xojjeno, gaargaaree bushoocho, aabichaꞌa shimaayoochee hollinne! Ebiyee aaf aageteenaꞌon cooniitocho, aabichaꞌa showooch duppenne!

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 65:25

Okeroonaa bagee baaddoona ikkooch tookki maayemminaꞌone; daaheroo gattoochoommon maayi tulloon qaachemmone; butto dingeroyich maayoon tunemmone; yaafeeti ta guudo bulliichaa qaakko woyee aallo boonoshi toommooch shagaachemmone” iye Doono Yeeri.

Hiziqeeli 28:16

Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Maatiyoosi 13:39

Shixecho tuneꞌi dadaddoon shookkito daabiloosine; qeco yemeenee ciiroone; qeccechinaꞌoo Yeerichi maraakeenaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 4:1

Yesuusi aacona bi afaalleetoyee gubb, daabiloosi Yesuusin gondoon shuuniiya bi qiiccemmoyich, Yaafe Ayaano barahooch biin daammiye.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maatiyoosi 4:5

Ebiyee gubb, daabiloosi Yesuusin yaafe katemoo Yerusaalem daammii, yaafee kechi guummooch kichii neechiꞌi ishichiye:

Maatiyoosi 4:8

Aroochee daabiloosi Yesuusin genje guudi toommooch daammiye; alemooch beeti taatee showoo bullinaa boonoshi oogee yiiroonon bekkiiꞌi,

Luqaasi 10:18

Yesuusiyoo ishichiye: “Sheexaanoo xeeyoochoommon shimaayoochee kindiꞌi bi dihaa beeggoye.

Luqaasi 13:16

Aaraa shimitte nati wottoon Sheexaanoo cuchiti hini Abrahami yareexi ureen shambetooba ebi bi cuchetoochee biich bedaachote?” iye.

Luqaasi 22:3

Arooba aaraa gutte Yesuusichi dabbeenaꞌochi daggeexi ikkoo Asqorootechi Yihudichi mullooch Sheexaanoo ceenniye.

Luqaasi 22:31

Ebichi hillooch Doono Yesuusi “Simoono, Simoono, Sheexaanoo teepphoon woqqoommon ittoshin woqqiya Yeerin qolletone.

Luqaasi 8:12

Gommi gashooch holliti yaroomminaꞌo geto, Yeerichi qaaroon boonoshi waayetoyee gubb daabiloosi waaꞌi, mulloon Yeeri toommooch tooꞌiiree boonoshi wodaachemmoyich, are boonoshi waayeti qaaroon boonoshi mulloochee maciꞌi bi daammiti asheenaꞌo getone.

Yowannisi 12:31

And hini alemee toommooch nalloo kindiya bedditone; and hini alemoon hajjiibeeti taatoo maach yookkeyemmone.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

Yowannisi 16:11

Nalleechonoo, alemoon hajjiibeeto toommooch nalloo kinditoyichiye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

2 Qorontoosi 11:14

Ebiyoo worganikkiti mooyo toonoone; Sheexaanolla bekkee maraakoon shaahiya bi qelloon shaddii beetone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

2 Qorontoosi 2:11

Ebin ta tuniibeeto, Sheexaanoo noon bi dawushaachemmoyichiye; bi gabiibeeti gonde gaboon tuushaano noone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

2 Tasaloonqi 2:3

Tunebaani asho koniyoona amee gommonolla ittoshin muriciyaaye; shiichiree meetinaꞌo Yeeri toommooch tiyiree hukkoon boonoshi shuunemmi wottoon, hukkechi uro, aalloyich kaacheti are uro, bekkemmi wottoon, ebi are aabo tuneyaachemmone.

1 Ximootiyoosi 2:14

Wotta dacheeꞌa Yeerichi getoon shaaddeti, maachealli Addaami toonoone.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

Hibireena'o 2:14

Illa ebi bushiisheenaꞌo meenon taheti asheenaꞌo boonoshi tunetoyich, Yesuusiyoo wotta boonoshichoommon meenon taheti ashoon tunehe. Ebin Yesuusi tuneto, bi qitoona ashoon wuxee hakkoo biich beeti daabiloosin ebi bi hakkoon bi mucciyemmoyichiye.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yihudi 1:9

Maraakeenaꞌochi iraashoo tuneti Mikaꞌeeliyolla daabiloosina tookkii Muusichi caheechon bi taggehooba, “Doono Yeeri neen kaarebe” iyalli, naageebee nalloyich aafoon kuppheyaanoone.

Yaaꞌoo 12:12

Ebich shimaayoonaa bi daggoonooch beetinaꞌote, emiribote! Showoonaa baharoonooch beetinaꞌote, ittoshich woowo! Daabiloosi giisheche aabo baach biich echeto tunoon ariiꞌi oogeti kaaroona ittoshi waan kinditone” iye.

Yaaꞌoo 12:3

Bare worganikkiti mooyo shimaayooch bekkehe; shabaatte qelloonaa aashire qaroona, bi qellee haddoonoo shabaatte gubbichoo beeti ooge ceelle dareboo beehe.

Yaaꞌoo 12:7

Shimaajji taatee xaaꞌooch ginee koyo tunehe; Mikaꞌeelinaa bi yeshi maraakeenaꞌona dareboonaa bi hilleexi bare maraakeenaꞌona koyeheete.

Yaaꞌoo 12:8

Dareboon kochii wochiyeete; aroyee gubb shimaajji taatee xaaꞌooch dareboonaa bi hilleexi maraakeenaꞌonoyich xaaꞌoo daneyaanoone.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.

Yaaꞌoo 18:2

Oogeti qaaroona cookiibee, “Ooge katemee Baablooni dihitiyoche; dihitiyoche! Yinneenaꞌo bulli qeyi xaaꞌee tunetiyoche! Eeꞌeenaꞌonaa tiyaariitinaꞌona tuneti kafeenaꞌo [cooxinaꞌoo] kuppee xaaꞌee tunetiyoche!

Yaaꞌoo 18:23

Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 2:24

Tunebaani ebi gonde doyoon dabbaani, ‘Sheexaanee maacee mooyo’ gettee beetonoo doyaani, Tiyaxiroon beeti ittoshi bullich ishichiyo: ‘Wottaa ta waammi wottoon ittoshich beeton manjiiree quyebote’ getoyee damba bare magge shaagoon ittoshi toommooch minjaache.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 20:8

Showee awudde kelloona beeti aageteenaꞌon, Googinaa Magooginon bi muriciyemmoyich ginee koyee xaaꞌooch kiciya kechemmone; boonoshi haddoo baharee gasheexi qacoommone.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

Yaaꞌoo 9:1

Uuchinnee maraakoo tiroon huggiye; shimaayoochee showooch holliti xojjenoon beeggeho. Oppee hoonoochi kelloon qechiibeeti qulfo biich ichehe.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;