Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaaꞌoo 12:4 - Kafa Linguistics Project

4 Bi ceeroona shimaajji xojjeneenaꞌo daggoochee keejje beereexi ikke beeroon geechii showooch kindiihe. Hini are dareboo ure bi shiyigaata shiijjemmi bushoon maaya iꞌi bi aafooch neexehe.

အခန်းကိုကြည့်ပါ။ ကော်ပီ




Yaaꞌoo 12:4
22 ပူးပေါင်းရင်းမြစ်များ  

“Hibiree maacheenaꞌon yechii ittoshi shiijjii beegaata, shiijjeebeeti bushoo anaamo bi tunegaata, wuxibote. Maachee bi tunegaata, kashoona beebuye” iye.


Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.


Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.


Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.


Shimaajji taatee xaaꞌooch ginee koyo tunehe; Mikaꞌeelinaa bi yeshi maraakeenaꞌona dareboonaa bi hilleexi bare maraakeenaꞌona koyeheete.


Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.


Ebi ta beeggeti cooxo maahoon shaahoone; bi baatoo diibee baatoommo, bi kookkoo daaheree kookkoommone; dareboo bi giidoonaa bi taatee qeenonon, ooge hakkoonoo biich immiye.


Dareboo cooxoyich hakkoon bi immitoyich, asheenaꞌo dareboyich goyinneheete; cooxoyichoo wotta “Hini cooxona tatemmo aabine? Biinna koyoon hakkemmo, konine?” iibee biich goyinneheete.


Dareboochi kookkoonaa cooxochi kookkoonoochee, koote keemechochi kookkoocheenoo woqqeqqeenaꞌon shaahiibeeti keejje yinneenaꞌo kechii beetaa beeggeho.


Ne beeggeti ure showee toommooch beeti taateenaꞌo bulli toommooch taataabeeti ooge katemeechi shaahiyeene” iye.


Wonnee dingeroon, daabiloosi, Sheexaanoo getteeti dareboon yechiye; hume nati wottoon cuchiye.


Keejjinnee maraakoo tiroon huggiye; qaaqqee conjoochoommon micciibeeti ooge xojjeno shimaayoochee kindiꞌi aacinaꞌochi keejje beereexi ikke beeroonaa aachi xuupheenaꞌonochi toommooch holliye.


Ebi are xojjeno shigoo Caamo getteehe; aacinaꞌochi keejje beereexi ikke beeroo caammiye; aaco caamo bi tunetoyich, ebi are caame aachi naboona meeti asheenaꞌo qitiyeete.


Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.


Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.


Guttinnee maraakoo tiroon huggiye; micciibeeti ooge guudon shaahiibeeti mooyo baharooch duppehe; baharee keejje beereexi ikke beeroo damoon tunehe.


Are baharooch beeti kashechi halleenaꞌoochee keejje beereexi ikke beeroo qitiye; markabeenaꞌochi keejje beereexi ikke beeroo aallehe.


Barahee machoochi ceeroommi ceeroonaa gayona boonoshich beetone; uuche agenee wottoon boonoshi ceereexi gayona asheenaꞌon boonoshi qaakkiyemmoyich hakkoo boonoshich ichetone.


Haresheenaꞌochi giidoo beeto boonoshi kookkoonaa boonoshi ceeroonoochiye; boonoshi ceeroo dingeroommo tuneechii qellecho bi tunetoyich aroona asheenaꞌon qoppiyeete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ