2 Biyoo yeqqefechine; shiya maaxoo biin maataa iriteeꞌa bunnahan.
Doono Yeero, yeqqefechi shiy beddaꞌa, maaxoo manjaa bi cookoommon, nowoo ne aafooch ebiyoommon tuneto noone.
Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.
“Hini shiyaani xaafeene, shoddebe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” iye Doono Yeeri.
Katemoochaa cookee beeton waayebote. Yaafee kexoochaa cookee beeton waayebote. Ebiyoo Doono Yeeri boonoshi shuunetoommon bi etteenaꞌo toommooch bi shuunetoyich waayeebeeti qaaroone.
Ebi shaahoon oogichii ne cookiibeeto amoyichiye? Maaxoo manjeti ureechoommon gaashillaa ne beeto amoyichiye? Taatoo neech aalle? Ne mikkirechinaꞌo qititeete?
Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.
Ebi bulli bi bekkiibeeto, batt maaxee xuuxee gimoniye.
Shiyemmi ure maaxoo biin maammona maacerahane; tunebaani bushoon bi shiyetoyee gubb, bushoo hini alemooch bi shiijjetoyich emiraꞌa, aafi bi xuuxoon battahan.
Ta shuni bushiisheenaꞌote! Ibere Kiristoosichi dabboon ittoshi tunemmi wottoon wochinnoon ittoshich maaxoo manjaabeeti ureyoommon tuneto taane.
“Hini shiyaani xaafeene, emiribe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” getaa kooreetone.
Bi ceeroona shimaajji xojjeneenaꞌo daggoochee keejje beereexi ikke beeroon geechii showooch kindiihe. Hini are dareboo ure bi shiyigaata shiijjemmi bushoon maaya iꞌi bi aafooch neexehe.