Yaaꞌoo 12:17 - Kafa Linguistics Project

¹⁷ Arooba dareboo ureena ippeꞌi, Yeerichi getoyich deꞌa ii beeti, Yesuusi miixeti iberoon gibenoona quyeebeeti ureechi yaroochee echetinaꞌon kocha hammiye;

Yaaꞌoo 12:17 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

1 Qorontoosi 2:1

Ta maneenaꞌote! Ittoshi waan ta waahooba, Doono Yeerichi maacee mooyon ittoshich ta getteto, yibbaatee beshoona woyee shalligee beshoona toonoone.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

1 Yowannisi 2:3

Yeerichi getoon ceechaabeeto no tunegaata, ebina biin ariito no tunoon xiishii ariibeeto noone.

1 Yowannisi 5:10

mulloon Yeeri Bushoo toommooch tooꞌii beetoyich Yeerichi miixo bi mullooch beetone; Yeerichon iberiyaano Yeeri bi Bushoochon miixeton bi iberiyoo qajjitoyich, Yeerin kootiitone.

1 Yowannisi 5:2

Yeerin shunnaꞌa bi geton no ceechigaata Yeerichi bushiishoon no shunon ebina ariibeeto noone.

Yaaꞌoo 1:2

Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.

Yaaꞌoo 12:16

Showee ureen gaachahan; bi kookkoon gaxxaꞌa dareboo bi kookkoochee kuufiti aacon uchahan.

Yaaꞌoo 13:7

Yaafeenaꞌona bi koyemmoyich, koyeshoo bi wochemmoyich biich daaggeehe; ashi yoodoonaa ashi yaroona, baribare noonoon yibbaateebeeti asheenaꞌonaa aageteenaꞌo bullinochi toommooch hakkoo biich ichehe.

Yaaꞌoo 14:12

Yeerichi getoyich deꞌa ii beeti, gibeneyoona Yesuusin dabbiibeeti yaafeenaꞌochi haaꞌiyoo bi qaaweebeeto ebiyoobane.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 19:19

Hareshoon yebbetonaa bi ginee naayinaꞌonon kocha cooxo, showee toommeexi taateenaꞌonaa boonoshi ginee naayinaꞌona kiceetinaꞌon beeggeho.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Yaaꞌoo 6:9

Bago uuchinnee maatemoon bi gaxximmona, Yeerichi qaaroon boonoshi gettitoyich, gibeneeto tuneꞌi boonoshi miixetoyichoo wuxeeti asheenaꞌochi kasho deejjee gudee dechiich beeton beeggeho.