Yaaꞌoo 12:11 - Kafa Linguistics Project

¹¹ Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 12:11 ပူးပေါင်းရင်းမြစ်များ

Luqaasi 14:26

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 21:13

Aroo wochiꞌi, “Eefeebee ta mulloon amoyichiye ittoshi gaabbii beeto? Ta Doono Yesuusicha getiree Yerusaalemaa cucheyoo qayenona, qitoyich qannito taane” iye.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

1 Qorontoosi 15:57

Tunebaani no Doono Yesuus Kiristoosina wudoon danee giidoon nooch immiibeeti Yeerich galleto bede.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.

1 Yowannisi 5:5

Yesuusi Yeerichi Bushoo bi tunoon iberii beetoyee damba, hini alemoon kochii wochiibeeto, konine?

Yaaꞌoo 1:2

Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.

Yaaꞌoo 12:17

Arooba dareboo ureena ippeꞌi, Yeerichi getoyich deꞌa ii beeti, Yesuusi miixeti iberoon gibenoona quyeebeeti ureechi yaroochee echetinaꞌon kocha hammiye;

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 2:26

“Gondoochi giidoon kochii wochitonaa yemeenee ciirooch beddaahaa ta daaggoon ceechii shuunetonon, ta Nihoo taan taatiyoommon aageteenaꞌo toommooch taatiyemmo taane. Biyoo xuuree gumboona boonoshin hajjemmone; nuuqqee qiicoochoommon boonoshin buriccemmone;

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.

Yaaꞌoo 6:9

Bago uuchinnee maatemoon bi gaxximmona, Yeerichi qaaroon boonoshi gettitoyich, gibeneeto tuneꞌi boonoshi miixetoyichoo wuxeeti asheenaꞌochi kasho deejjee gudee dechiich beeton beeggeho.