Yaaꞌoo 11:19 - Kafa Linguistics Project

¹⁹ Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 11:19 ပူးပေါင်းရင်းမြစ်များ

Shoddo 105:32

Boonoshi amiyon baderoo tuniihe; xeeyo boonoshi showooch xeejjiye.

Shoddo 18:12

Bi aafooch beeti bekkoochee, baderoonaa qaaqqee bunoona quboon gaakkiꞌi aaxxee kechiye.

Isiyaasi 28:2

Doono Yeeri, baderee yattoommi, aalliibeeti yuboommi, ceenniti giidechi aacoommi, hakkechonaa kupphoona tuneti ashoon qanniitone; ebi asho boonoshin showooch curulliyemmone.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 32:19

Baderoo kubboon bi yexxitaanona, katemoo bi giishetaanona,

Hiziqeeli 13:11

booroon dikkee beetinaꞌoyich dihemmo bi tunoon gete; amiyoo dudemmone; baderee gaagoo kindemmone; yubee yongoo gaakkemmone.

Hiziqeeli 13:13

“ ‘Ebich Nuggishoo Doono Yeeri ishichiye: Ta neboona yubee yongoon deejjemmo taane; ta kaaroona baderee gaagoon deejjemmo taane; amiyoo dudi kindiree aalliyemmone.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Haddoo 4:5

Kaamboon waaxxii hamma ittoshi tiyiyooba, Harooninaa bi bushiisheenaꞌona duukkaanooch giyiree qeriibeeti maccillaatoon kindiibeete. Aroona wogee taabootoon kaafeete.

Yaasi 10:11

Israꞌeeleenaꞌo aafoochee boonoshi wocee beetaa, Beet Horooni katemoochee Azeqi dugillooch daammiibeeti, geppechi gommoochaa Doono Yeeri xaqqoommi giidechi baderoon shimaayoochee boonoshi toommooch kindiihe; boonoshiyoo qitiyeete. Israꞌeeleenaꞌo goraadoona wuxitinaꞌoyee baderoo wuxitinaꞌo besheenaꞌone.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 12:1

Arooba oogeton worganikkiti mooyo shimaayooch bekkehe; aabeen taheti, ageneen bi baatee dechiich geddeti, aaraa gutte xojjenechi gubbichoon bi qellooch uketi ikke ure beehan.

Yaaꞌoo 16:1

Aroyee gubb shabaatte maraakeenaꞌoyich “Hamiree Yeerichi kaaree shiixxoo ceenniti shabaatte xoofeenaꞌon showee toommooch ukkibote” immi ooge qaaro yaafee kexoochaa getaa waayeho.

Yaaꞌoo 16:18

Xeeyee phaqqoo, ooge qaaroonaa xeeyee qaaroona tunehe; oogeti showee qewo tunehe. Asho halleetoochee tiijjiꞌi ebiich beddaahaa ebiyoommi ooge showee qewo tunee ariyaanoone; hini bulliyee beshe shattiiti showee qewoone.

Yaaꞌoo 16:21

Ikke baderoo baach aabbaa uuche kiilo giraamo tuneti ogooge baderoo asheenaꞌo toommooch shimaayoochee kindiye; ebi shaahe shattiiti ooge baderee naxoon boonoshi toommooch bi kindiitoyich, asheenaꞌo Yeerin naaggiyeete.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.

Yaaꞌoo 7:15

Ebich, Yeerichi taatee qeechi aafooch beechii, areddoonaa xumoonon yaafe bi kexoochaa biich maddee beetinaꞌone; taatee qeenooch kotetoo boonoshi toommooch yiiroo tunemmone.

Yaaꞌoo 8:5

Aroyee gubb maraakoo ixaano shookkeebeeti qiicoon yechii, deejjee gudeexi qaaqqoochee ceennimmi wottoon geddiichii showooch duppiye; xeeyee qaaroonaa ooge qaaroona, xeeyee phaqqoonaa showee qewoona tunehe.

Yaaꞌoo 8:7

Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.