Yaaꞌoo 11:18 - Kafa Linguistics Project

¹⁸ Aageteenaꞌoo oogichii kaareheete; tunebaani ne kaaroo kindiye; qititinaꞌo toommooch ne nallemmi yemeeno shaggitone; neech maddeebeeti ne keemechinaꞌonaa ne shigoon oogiibeeti yaafeenaꞌonoyich, gishiisheenaꞌonaa ogoogeenaꞌonoyich, boonoshi shuunee gatiyoon ne qoccemmi, showoon aalliyechinaꞌon ne aalliyemmi, yemeeno shaggitone” iyeete.

Yaaꞌoo 11:18 ပူးပေါင်းရင်းမြစ်များ

Shoddo 103:11

Shimaayoo showoochee damba wohoommon biin shattii beetinaꞌoyich bi shoodo oogetone.

Shoddo 110:5

Doono ne qannoochiye; bi kaaree aabooba taateenaꞌon buriccemmone.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shoddo 2:5

Aroochee kaaree shiixxoona boonoshich yibbaatemmone; oogeti kaaroona boonoshin keqqichemmone.

Shoddo 85:9

Iberoochaa bi wodiyoo biin shattii beetinaꞌoyich katinoone; ebich bi oogee yiiroo no showooch ceennemmone.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Daaneeli 11:44

Aroochee aabi-keyonaa dambi-waaninoochee waati woroo biin keqqichemmone; oogeti ippoona tiyiree meeti asheenaꞌon wuxi aalliyemmone.

Daaneeli 7:26

“Aroochee shimaajji nallechinaꞌo nalliya kotemminaꞌone. Biyoo bi hakkoon bokkeree ciroona ciirooch beddaahaa aallemmone.

Daaneeli 8:25

Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.

Maatiyoosi 5:12

Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Luqaasi 1:50

Shiijjeroochee shiijjerooch beddaahaa Yeerichi ariqqo biin shattii beetinaꞌoyich beeyemmone.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.

Yaaꞌoo 11:2

Yaafee kexoyee maach beeti addibaaboo Aageteenaꞌoyich icheto bi tunetoyich qaye; qellayiyaahine. Boonoshiyoo aabbaa gutte agenoon yaafe katemeen neexi hajjemminaꞌone.

Yaaꞌoo 13:10

Kecee hamoyich daaggeeto koniyoona bi beegaata, kecceeꞌi hamo echeyaani mooyone; goraadoona bi qitemmoyich daaggeeto koniyoona bi beegaata, goraadoona qitemmone. Yaafeenaꞌochi gibeneyoonaa haaꞌiyoona bi qaaweebeeto ebiyoobane.

Yaaꞌoo 13:16

Asheenaꞌo bullich, gishiisheenaꞌonaa ogoogeenaꞌonoyich, gaannechinaꞌonaa girechinaꞌonoyich, xalle yareenaꞌonaa guuchi yareenaꞌonoyich malletoo boonoshi qanne kishooch woyee boonoshi barooch giddoona geddiye.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 15:1

Wotta bare worganikkiti ooge malletoon shimaayooch beeggeho. Yeerichi kaaree shiixxoo eboshina ceennemmi ciireexi shabaatte naxeenaꞌon yechiti shabaatte maraakeenaꞌo bekkeheete.

Yaaꞌoo 15:7

Kashechi awudde halleenaꞌo daggoochee ikkoo bulli yemeenoon beeyechi Yeerichi kaaree shiixxoo ceenniti shabaatte aachee xoofeenaꞌon shabaatte maraakeenaꞌoyich immiye.

Yaaꞌoo 18:6

Bareenaꞌo toommooch gondoon bi shuunetoommon, bi toommooch aroommon gaacote. Bi tuniiti gutte kishoon tuniiree minjibote. Bareenaꞌo uchemmoyich bi qanniiti shayi uyee xoofooch bi shachemmoyich, gutte kishoon wuurii bacciree biich uchibote.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 19:5

Aree hillooch taatee qeenoochee qaaro kechiꞌi, “Bi guuninaꞌo ittoshi bulli, biich shattiibeeti gishiisheenaꞌonaa ogoogeenaꞌonote! No Nuggishoon galletebote!” iye.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.

Yaaꞌoo 20:15

Bi shigoo kashee macaafooch kooreeꞌi daneyaani asho koniyoona qaaqqee baharooch duppehe.

Yaaꞌoo 22:12

Yesuusiyoo ishichiye: “Ebiyoche, kaateree woyemmo taane; ta woyemmo, asho bi ikkikkoyich ta qoccemmi bi shuuni shuunee gatiyoon yeshireeshiye.