Yaaꞌoo 11:13 - Kafa Linguistics Project

¹³ Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 11:13 ပူးပေါင်းရင်းမြစ်များ

Halloo 6:4

Arooba, aroyee gubboo genjeenaꞌonaa giidechinaꞌona tuneti Nefiliimeenaꞌo showee toommooch beeheete; eboshi Yeerichi bushiisheenaꞌo asheenaꞌochi maache bushiisheenaꞌon shaaggiꞌi, boonoshi shiyiti bushiisheenaꞌone. Eboshiyoo wonna aricheti ginee anaaminaꞌone.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Yowannisi 9:24

Ebich aaf doogo tuneꞌi beebee and ciinniti uroon wochinnoon ceeggiꞌi, “Yeerichi oogoyicha getiree iberoon yibbaatebe; hini uro axaaxecho bi tunoon no ariibeeto noone” iyeete.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.

Yaaꞌoo 11:11

Keejje qemonaa qatonoyee gubb Yeer waanee tuneti kashee hiinno ebi keemechinaꞌochi dubenooch giyiye; kashechon tuneꞌi boonoshi hajjee baatoona neexeheete; boonoshinoo beeggitinaꞌo keqqoona qitiyeete.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 14:7

Biyoo oogeti qaaroona “Yeeri nallemmi aabo shaggitone; ebich Yeerin shatote; biich oogoon imbote; shimaayoonaa showoonon, baharoonoo, aachi xuupheenaꞌonoo hallitoyich goyinnebote” iye.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 19:7

Bagoochi gaaro shaggitoyich, bi woꞌeyoo bi qelloon bi qanniitoyich emiribone; emiroona wucwucone; oogee yiiroonoo Yeerich imbone.

Yaaꞌoo 3:4

“Tunebaani boonoshi tahoon kiiniyaani giisheche asheenaꞌo Saridees neenna tookkii beetinaꞌone; boonoshiyoo bedditinaꞌo tuneꞌi boonoshi danetoyich nacce tahoon taheree taanna tookki shaꞌemminaꞌone.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.

Yaaꞌoo 8:5

Aroyee gubb maraakoo ixaano shookkeebeeti qiicoon yechii, deejjee gudeexi qaaqqoochee ceennimmi wottoon geddiichii showooch duppiye; xeeyee qaaroonaa ooge qaaroona, xeeyee phaqqoonaa showee qewoona tunehe.

1 Saameeli 6:5

Gaabee misileenaꞌon, ittoshi showoon aalliibeeti iicceenaꞌochi misileenaꞌonoo shuuneree Israꞌeelee Nuggishoyich oogoon imbote. Ebin ittoshi tuniigaata, diqqich ittoshin, ittoshi nuggisheenaꞌonaa ittoshi showoonon naxoon qajjemmo tunemmone.